VIDEO: “त्याने आमच्या बहिणीचे ३५ तुकडे केले, आम्ही त्याचे…” आफताबच्या वाहनावर तलवारीने हल्ला करणाऱ्या व्यक्तीची धमकी

याप्रकरणी पोलिसांनी दोन जणांना ताब्यात घेतलं असून कुलदीप ठाकूर आणि निगम गुज्जर अशी त्यांची नावं आहेत. दोघंही गुरुग्राम येथील रहिवाशी असून ते कारने घटनास्थळी आले होते. त्यांच्यासोबत आणखी तीन ते चार लोकं होती, या हल्ल्यात संबंधित लोकांचा सहभाग आढळल्यास त्यांच्यावरही कायदेशीर कारवाई केली जाईल, अशी माहिती रोहिणीच्या डीसीपींनी दिली आहे.

हेही वाचा- VIDEO: धक्कादायक! श्रद्धा वालकर हत्या प्रकरणातील आरोपी आफताबवर तलवारीने हल्ला करण्याचा प्रयत्न

‘इंडिया टुडे’शी संवाद साधताना हल्लेखोराने म्हटलं की, “त्याने (आफताब) आमच्या बहिणीची हत्या केली आणि तिचे ३५ तुकडे केले. आम्ही त्याचे ७० तुकडे करू. जर आमच्या बहिणी आणि मुली असुरक्षित असतील तर आम्ही कशासाठी जिवंत राहायचं, आम्ही त्याला ठार करू” असा धमकीवजा इशारा हल्लेखोराने दिला आहे.

पाहा व्हिडीओ:

या हल्ल्यानंतर हिंदू सेनेनं परिपत्रक जारी करत संघटनेची भूमिका स्पष्ट केली आहे. “या कार्यकर्त्यांनी जे काही केलं, ते त्यांचं वैयक्तिक कृत्य आहे. आफताबने एका हिंदू मुलीचे तुकडे कसे केले? ते संपूर्ण देशानं पाहिलं आहे. आमची संघटना भारतीय संविधानाच्या विरोधातील कोणत्याही कृत्याचं समर्थन करत नाही, आमचा भारताच्या कायद्यावर पूर्णपणे विश्वास आहे” असं हिंदू सेनेनं परिपत्रकात म्हटलं आहे.