29 March 2020

News Flash

पार्थ पवार यांनी आचारसंहितेचा भंग केल्याची बारणे यांची तक्रार

मावळ लोकसभेच्या निवडणूक निर्णय अधिकारी कविता द्विवेदी यांच्याकडे बारणे यांनी याबाबतचे पत्र दिले आहे.

पिंपरी : मावळ लोकसभेचे राष्ट्रवादी काँग्रेसचे उमेदवार पार्थ पवार यांच्या प्रचारासाठी पुणे जिल्हा शिक्षण मंडळ, रयत शिक्षण संस्था आणि पुणे जिल्हा सहकारी बँकेचे कर्मचारी मतदार संघात फिरत असून मतदारांना प्रलोभन दाखवत असल्याची तक्रार शिवसेनेचे उमेदवार श्रीरंग बारणे यांनी निवडणूक आयोगाकडे केली आहे.

मावळ लोकसभेच्या निवडणूक निर्णय अधिकारी कविता द्विवेदी यांच्याकडे बारणे यांनी याबाबतचे पत्र दिले आहे. पुणे जिल्हा शिक्षण मंडळ, रयत शिक्षण संस्था आणि पुणे जिल्हा मध्यवर्ती बँक या तीनही संस्था राष्ट्रवादीच्या प्रमुखांशी संबंधित आहेत.

पार्थ पवार यांच्या प्रचारासाठी या संस्थेचे कर्मचारी मावळ मतदार संघात फिरत आहेत. पत्रके वाटणे, माहिती गोळा करणे, मतदारांना प्रलोभन दाखवणे असे काम हे कर्मचारी करत आहेत, त्यामुळे आचारसंहितेचा भंग होतो आहे. या संदर्भात यापूर्वीही तक्रार केली होती. तथापि, तरीही हा प्रकार सुरूच असल्याचे बारणे यांनी तक्रार अर्जात नमूद केले आहे.

भाजपकडून बैठकांचा सपाटा

पिंपरीत शिवसेना-भाजपमधील वितुष्टाच्या पाश्र्वभूमीवर युतीचे उमेदवार श्रीरंग बारणे यांच्यासाठी भाजपने बैठकांचा सपाटा लावला आहे. भाजपचे आमदार लक्ष्मण जगताप यांनी चिंचवड आणि पपरी विधानसभा मतदार संघात घेतलेल्या विविध बैठकांमधून ‘झालं गेलं विसरून जा,’ असे आवाहन करत भाजप पदाधिकाऱ्यांना युती धर्माचे पालन करण्याचे आवाहन केले आहे. नरेंद्र मोदी यांना पुन्हा पंतप्रधान करण्याचे ध्येय डोळ्यासमोर ठेवून काम करण्याचे आवाहन जगतापांनी केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 17, 2019 1:55 am

Web Title: shrirang barane complaint parth pawar for violating code of conduct
Next Stories
1 अपंगांकरिता घर वाहन सुविधा
2 डॉ. बाबासाहेबांच्या तत्त्वांचा त्यांच्याच नातवाकडून खून
3 शरद पवारांनी कृषिमंत्री असताना ‘स्वामिनाथन’अहवाल का स्वीकारला नाही?
Just Now!
X