अमन मित्तल यांच्या कोल्हापूर जिल्हाधिकारी नियुक्तीस भाजपचा विरोध

यावेळी निंबाळकर म्हणाले, करोना संसर्ग काळामध्ये जिल्ह्यातील रुग्णांना मदत करण्याबाबत प्रशासन सतर्क असणे अपेक्षित होते. मात्र असे काम न करता अमन मित्तल यांनी या कालावधीत मेलेल्यांच्या टाळूवरचे लोणी खाण्याचा प्रकार केला. नियमबाह्य, गैरमार्गाने विविध वैद्यकीय साहित्याचे खरेदी करण्यात आली.

हेही वाचा >>>कोल्हापुरात इन्स्टाग्रामवर पोस्ट करीत भिन्नधर्मीय अल्पवयीन प्रेमीयुगुलाने केली आत्महत्या

वादग्रस्त कारकीर्द

यामध्ये ३५ कोटी रुपयांचा भ्रष्टाचार केला असल्याचा आरोपाचा पुनरुचार करून निंबाळकर यांनी याबाबत उच्च न्यायालयात याचिका दाखल करण्यात आली आहे. यापूर्वी मित्तल यांच्यावर जळगाव जिल्हाधिकारी तसेच लातूर महापालिका आयुक्त म्हणून काम करतानाही अनेक तक्रारी झाल्या असून त्याची कारकीर्द वादग्रस्त आहे. आता त्यांना कोल्हापूर जिल्हाधिकारी पदावर आणण्याच्या हालचाली चालू आहेत. या माध्यमातून आपल्या करोना खरेदी भ्रष्टाचारावर पांघरूण घालण्याचा प्रयत्न केला जात आहे. यामुळे मित्तल यांना कोल्हापूर जिल्हाधिकारी म्हणून कोणत्याही परिस्थितीत आणता कामा नये; अन्यथा मोठे आंदोलन उभे केले जाईल, असा इशारा त्यांनी दिला.