पश्चिम महाराष्ट्रात अतिवृष्टीचा इशारा; कोल्हापुरात संततधार, नद्या पात्राबाहेर

सोमवारी दिवसभर कोल्हापूर शहर आणि जिल्ह्यात मुसळधार पाऊ स पडला. काल दिवसभर सुरू असलेला पाऊ स आजही कायम होता. पहाटेपासून जोरदार वृष्टी होत राहिली. काही काळचा उसंत वगळता पावसाचा जोर अथकपणे सुरू होता. कोल्हापूर शहरातील कळंबा तलाव पूर्ण भरला असून सांडव्यावरून पाणी ओसंडून वाहत आहे. येथे वर्षां सहलीचा आनंद घेण्यासाठी लोकांची गर्दी वाढत आहे.

पर्यटकांचे आकर्षण असलेल्या बर्की लघू पाटबंधारे येथे  पावसाचे प्रमाण जास्त आहे. पाणी पातळीत वाढ मोठय़ा प्रमाणात झाली आहे. दरम्यान प्रशासनाने, सांडव्यातून जात असलेल्या प्रवाहास कोठेही अडथळा नाही. मुख्य विमोचकातील गळतीचे पाणी स्वच्छ आहे, धरण सुस्थितीत आहे, असे स्पष्टीकरण सोमवारी केले आहे.

कोल्हापूर पाटबंधारे विभाग यांचेकडून मिळालेल्या माहितीनुसार कासारी धरणातून पाण्याचा विसर्ग वाढविण्यात आलेला असल्याने नदीकाठच्या गावातील लोकांना सतर्क  राहणेबाबत इशारा देण्यात आला आहे. गेल्या चोवीस तासात गगनबावडा तालुक्यात सर्वाधिक ६६, तर शिरोळमध्ये सर्वात कमी ६ मिमी पाऊ स पडला.

जिल्ह्यात ३२ बंधारे पाण्याखाली गेले आहेत.  दरम्यान सलग आठवठवडाभर सुरू असलेल्या संततधार पावसाने जिल्ह्य़ातील नद्यांना आता पूर आला असून त्या पात्राबाहेर पडल्या आहेत. या पुरस्थितीमुळे अनेक ठिकाणी जनजीवन विस्कळित झाले आहे.