इचलकरंजीत प्लास्टिक, कागदी कप वापरावर बंदी

चहा- कॉफी साठी वापरण्यात येणाऱ्या कागदी व प्लास्टिकच्या कपमध्ये आतील बाजूस पातळ प्लास्टिक आवरण असल्यामुळे ते नागरिकांच्या शरीरास अपायकारक आहे.

Paper and plastic cups for tea coffee have harmful inner plastic lining affecting health

चहा , कॉफी साठी प्लास्टिक व कागदी कप वापरावर बंदी घालण्याचा निर्णय घेण्यात आला असल्याचे शनिवारी सांगण्यात आले.(file photo)

कोल्हापूर : चहा- कॉफी साठी वापरण्यात येणाऱ्या कागदी व प्लास्टिकच्या कपमध्ये आतील बाजूस पातळ प्लास्टिक आवरण असल्यामुळे ते नागरिकांच्या शरीरास अपायकारक आहे. त्यामुळे १ जुलै पासून इचलकरंजी महानगरपालिका हद्दीतील चहा टपरी, हॉटेल मध्ये चहा , कॉफी साठी प्लास्टिक व कागदी कप वापरावर बंदी घालण्याचा निर्णय नगर पथविक्रेता समितीच्या पहिल्याच सभेत घेण्यात आला असल्याचे शनिवारी सांगण्यात आले.

सर्व पथ विक्रेत्यांना विक्री प्रमाणपत्र, ओळखपत्र देण्यासह विविध विषयांवर पथ विक्रेता समितीची सभा आयुक्त तथा अध्यक्षा पथ विक्रेता समीती पल्लवी पाटील यांच्या अध्यक्षतेखाली पार पडली. फ्लेक्स फलक मुक्त शहरानंतर हा महत्वपूर्ण निर्णय घेणारी इचलकरंजी महानगर पालिका कोल्हापूर जिल्ह्यातील पहिली महानगरपालिका आहे. राष्ट्रपुरुषांच्या पुतळ्यापासून १०० मीटर परिसरात कोणत्याही व्यवसायाला परवानगी न देण्याचा निर्णय घेण्यात आला.

This quiz is AI-generated and for edutainment purposes only.

शहरातील खाद्यपदार्थ विक्रेते यांच्यासाठी स्वतंत्र हॉकर्स झोन निश्चित करणेचा निर्णय घेण्यात आला. पथ विक्रेते नाष्टा सेंटर, कपडे विक्रेते, फळ, भाजीपाला, मांसाहार विक्रेते यांना विक्री प्रमाणपत्र व ओळखपत्र देणे तसेच शहरामध्ये नवीन हॉकर्स झोन निर्माण करण्याच तसेच पथ विक्रेत्यासाठी वेळ निश्चित करण्याचा निर्णय या बैठकीत घेण्यात आला.

Web Title: Paper and plastic cups for tea coffee have harmful inner plastic lining affecting health sud 02