28 February 2021

News Flash

Eng vs WI : ऐसा पहली बार हुआ है…ब्रॉडच्या विक्रमी कामगिरीने जुळून आला अनोखा योगायोग

ब्रेथवेटचा बळी घेत ब्रॉडने घेतला ५०० वा बळी

कसोटी क्रिकेटमध्ये ५०० बळी घेणाऱ्या दिग्गज गोलंदाजांच्या यादीत ब्रॉडला स्थान मिळालं आहे.

वेस्ट इंडिजविरुद्ध अखेरच्या कसोटी सामन्यात इंग्लंडच्या स्टुअर्ट ब्रॉडने आपल्या ५०० व्या बळीची नोंद केली आहे. चौथ्या दिवसाचा खेळ पावसामुळे वाया गेल्यानंतर, पाचव्या दिवसाच्या सुरुवातीला वेस्ट इंडिजने सावध सुरुवात केली. परंतू सलामीवीर क्रेग ब्रेथवेटला ब्रॉडने पायचीत पकडत आपला ५०० वा बळी घेतला. इंग्लंडकडून कसोटी क्रिकेटमध्ये ५०० बळी घेणारा ब्रॉड हा दुसरा गोलंदाज ठरला आहे.

ब्रॉडच्या या कामगिरीमुळे विंडीजविरुद्ध कसोटी सामन्यात एक अनोखा योगायोग जुळून आला आहे. ५०० किंवा त्यापेक्षा जास्त बळी घेणारे जलदगती गोलंदाज एकाच कसोटी सामन्यात खेळत असल्याची ही पहिलीच वेळ ठरली आहे. इंग्लंडकडून सर्वात आधी जेम्स अँडरसनने ५०० बळींचा टप्पा ओलांडला होता. महत्वाची गोष्ट म्हणजे जेम्स अँडरसनचा ५०० वा बळीही क्रेग ब्रेथवेट हाच ठरला होता.

गोलंदाजीव्यतिरीक्त पहिल्या डावात अर्धशतक झळकावत ब्रॉडने आपली फलंदाजीतली कमालही दाखवली होती. ब्रॉडच्या अर्धशतकाच्या जोरावरच इंग्लंडने पहिल्या डावात ३६९ धावांचा पल्ला गाठला. यानंतर पहिल्या डावात गोलंदाजीदरम्यान ब्रॉडने ६ बळी घेतले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 28, 2020 5:36 pm

Web Title: anderson and broad first instance of two pace bowlers with 500 plus wickets playing in the same test psd 91
Next Stories
1 ENG vs WI : स्टुअर्ट ब्रॉडने ‘असा’ घेतला ५००वा बळी; पाहा Video
2 शिखर कसोटी संघात पुनरागमन करणार का?? माजी भारतीय खेळाडू म्हणतो…
3 कॅन्सरनंतर क्रिकेट ‘कमबॅक’साठी सचिनने दाखवला मार्ग – युवराज सिंग
Just Now!
X