IND vs PAK: दुबईत गोलंदाज चमकणार की फलंदाज धावांचा पाऊस पाडणार? खेळपट्टी कोणाला साथ देणार?

क्रिकबझने दिलेल्या वृत्तानुसार, भारत- पाकिस्तान सामना त्याच खेळपट्टीवर होणार आहे ज्या खेळपट्टीवर साखळी फेरीतील सामना खेळवला गेला होता. गेल्या सामन्यात फिरकी गोलंदाजांना मदत मिळाली होती. यावेळीही फिरकी गोलंदाजांना मदत मिळू शकते. गेल्या सामन्यात भारतीय फिरकी गोलंदाज पाकिस्तानवर भारी पडले होते. यावेळीही असेच काहीसं चित्र पाहायला मिळू शकतं. सामन्यावेळी तापमान ३५ डिग्री अंश सेल्सिअस इतकं असेल असा अंदाव वर्तवला जात आहे.

भारत- पाकिस्तान संघांचा हेड टू हेड रेकॉर्ड?

भारत- पाकिस्तान हे दोन्ही कट्टर प्रतिस्पर्धी संघ आहेत. दोन्ही संघांमध्ये आतापर्यंत रोमांचक सामने पाहायला मिळाले आहेत. पण याआधी झालेल्या सामन्यात पाकिस्तानचा संघ पूर्णपणे फ्लॉप ठरला. फलंदाज धावा करू शकले नाहीत आणि गोलंदाजांना विकेट्स काढून देता आल्या नाहीत. त्यामुळे भारतीय संघाने एकतर्फी विजयाची नोंद केली. टी-२० आंतरराष्ट्रीय क्रिकेटमधील रेकॉर्ड पाहिला, तर दोन्ही संघ १४ वेळेस आमनेसामने आले आहेत. यादरम्यान भारतीय संघाने ११ सामन्यांमध्ये बाजी मारली आहे. तर पाकिस्तानला केवळ ३ सामन्यांमध्ये विजय मिळवता आला आहे. त्यामुळे पाकिस्तानविरूद्ध खेळताना भारतीय संघाचा रेकॉर्ड नेहमीच दमदार राहिला आहे.

या स्पर्धेसाठी असे आहेत दोन्ही संघ:

भारतीय संघ: सूर्यकुमार यादव (कर्णधार), शुबमन गिल, अभिषेक शर्मा, तिलक वर्मा,संजू सॅमसन,हार्दिक पंड्या, शिवम दुबे, अक्षर पटेल, जितेश शर्मा,वरुण चक्रवर्ती, कुलदीप यादव, हर्षित राणा, रिंकू सिंग, जसप्रीत बुमराह, अर्शदीप सिंग.

aसलमान अली आगा (कर्णधार), अबरार अहमद, फहीम अशरफ, फखर जमान, हरिस रौफ, हसन अली, हुसेन तलत, खुशदिल शाह,साहिबजादा फरहान, सईम अयूब, शाहीन आफ्रिदी, सुफियान मुकीम, मोहम्मद वसीम जूनिअर,मोहम्मद हरिस (यष्टीरक्षक), मोहम्मद नवाज, हसन नवाज, सलमान मिर्झा.