ज्युनियर द्रविड आणि ज्युनियर सेहवाग अंडर-१६ सामन्यात आमनेसामने, विजय मर्चंट ट्रॉफीमध्ये आर्यवीरचे शानदार अर्धशतक

अन्वय हा द्रविडचा धाकटा मुलगा आहे

अन्वय हा भारताचा माजी कर्णधार आणि सध्याचा मुख्य प्रशिक्षक द्रविडचा धाकटा मुलगा आहे. तो संघाचा यष्टिरक्षकही आहे. सेहवागचा मोठा मुलगा आर्यवीर हा त्याच्या वडिलांप्रमाणेच आक्रमक सलामीवीर फलंदाज आहे. भारतीय क्रिकेटपटूंच्या पुढच्या पिढीसाठी हे वर्ष चांगले राहिले आहे. अर्जुन तेंडुलकरने यावर्षी आयपीएलमध्ये पदार्पण केले आणि तो आता गोव्याकडून खेळत आहे. दुसरीकडे, द्रविडचा मोठा मुलगा समित याने राष्ट्रीय कूचबिहार करंडक १९ वर्षांखालील स्पर्धेत कर्नाटकचे प्रतिनिधित्व केले.

हेही वाचा: IND vs NEP U-19: छोट्या उस्तादांची जबरदस्त कामगिरी! नेपाळने टीम इंडियापुढे टेकले गुडघे, १० गडी राखून दणदणीत विजय

आज सामन्याचा दुसरा दिवस आहे

मंगळागिरी येथील आंध्र क्रिकेट असोसिएशन स्टेडियमवर दिल्ली आणि कर्नाटक यांच्यात सुरू असलेल्या १६ वर्षांखालील सामन्यात कर्नाटक संघ ५६.३ षटकात १४४ धावांवर बाद झाला. पाचव्या क्रमांकावर फलंदाजीला आलेल्या अन्वयला खातेही उघडता आले नाही. त्याला दिल्लीचा सर्वात यशस्वी गोलंदाज आयुष लाक्राने बाद केले. प्रत्युत्तरात दिल्लीने पहिल्या दिवसाचा खेळ संपेपर्यंत ३० षटकांत १ बाद १०७ धावा केल्या आहेत. आर्यवीर ९८ चेंडूत ५० धावा केल्यानंतर खेळत आहे. त्याने आतापर्यंतच्या खेळीत सात चौकार आणि एक षटकार मारला आहे.

हेही वाचा: IND vs SA: दक्षिण आफ्रिकेविरुद्धच्या दुसऱ्या सामन्यात शुबमन-ऋतुराज सलामीला फलंदाजी करणार? जाणून घ्या संभाव्य प्लेईंग-११

या दोघांपूर्वी महान फलंदाज सचिन तेंडुलकरचा मुलगा अर्जुन तेंडुलकरनेही देशांतर्गत क्रिकेटमध्ये प्रवेश केल्यावर चर्चेत आला होता. तो सध्या आयपीएल खेळत आहे. अर्जुन तेंडुलकर मुंबई इंडियन्सकडून आयपीएल खेळत आहे. आता द्रविड आणि सेहवागच्या मुलांनीही आपल्या खेळाने चर्चेत येण्यास सुरुवात केली आहे. नुकताच द्रविड विश्वचषकानंतर मुलाचा सामना पाहण्यासाठी गेला होता आणि त्याचा फोटो व्हायरल झाला होता. प्रशिक्षक असताना द्रविडला त्याच्या मुलांकडे फारसे लक्ष देता आले नाही. मात्र, जेव्हा संधी मिळेल तेव्हा तो त्याच्या मुलांच्या खेळाची माहिती नक्कीच घेत असतो. द्रविडचा दुसरा मुलगा समितही देशांतर्गत क्रिकेटमध्ये चांगली कामगिरी करत आहे. सचिन, सेहवाग आणि द्रविड यांच्यासारखे महान फलंदाज त्यांची मुलेही बनू शकतील का? हे पाहणे आगामी काळात उत्सुकतेचे ठरणार आहे.