VIDEO : “यांना क्रिकेटबद्दल किती समजते, हे…”, हरभजन सिंगचं अनुष्का अन् अथियाबाबत विधान, सोशल मीडियावर ट्रोल

सामन्यात अनुष्का शर्मा आणि अथिया शेट्टी स्टेडियममध्ये गप्पा मारताना दिसत आहेत. यावेळी लाईव्ह कॉमेंट्री करताना हरभजन सिंगने अनुष्का आणि अथियाला क्रिकेटची किती समज आहे? यावर प्रश्नचिन्ह उपस्थित केले आहेत.

हरभजन सिंग म्हणाला, “मी हा विचार करतोय, यांच्यात क्रिकेट की चित्रपटाबद्दल गप्पा रंगल्या आहेत? कारण, त्यांना क्रिकेटबद्दल किती समजते, हे मला माहिती नाही.”

हेही वाचा : कोणी मॉडेल, कोणी आमदार तर कोणी गृहिणी; भारतीय क्रिकेटपटूंच्या पत्नी काय करतात?

या विधानानंतर हरभजन सिंगविरोधात सोशल मीडियावर संतप्त प्रतिक्रिया उमटत आहेत. कारण, अनुष्का शर्मा स्टार खेळाडू विराट कोहलीची पत्नी आहे. तर, अथिया शेट्टी उपकर्णधार के. एल राहुलची पत्नी आहे.

हेही वाचा : फायनलचा थरार बघायला आलेल्या अनुष्का शर्माच्या ड्रेसची पुन्हा चर्चा; पाहा वर्ल्ड कप लूकची किंमत काय?

एक युजरने ‘एक्स’ ( ट्वीटर ) अकाउंटवर लिहिलं, “हरजभन सिंग, मोहम्मद कैफ आणि पद्मजीत सेहरावत हे विश्वषचकात सर्वात वाईट कॉमेंट्री देणारे समालोचन आहेत. नेहमी बेजबाबदार कर्णधाराची बाजू घेणारा कोहलीला ट्रोल करत असतो. आता, हरभजन सिंगने अनुष्का शर्मा आणि अथिया शेट्टीलाही लक्ष्य केलं आहे. ही लाजीरवाणी बाब आहे.”

शुभम गुप्ता हा युजर म्हणाला, “मला माहिती नाही, यांना क्रिकेट किती समजते?”

“महिलांना क्रिकेट कळत नाही असं तुम्हाला म्हणायचं का? तातडीनं माफी मागवी,” अशी मागणी अरूणोदय सिंग याने केली आहे.