ICC ODI Ranking : विराट-जसप्रीत अव्वल स्थानी कायम, चहल सर्वोत्तम १० मध्ये दाखल !

भारताने विंडीजवर वन-डे मालिकेत ३-१ ने मात करत पुन्हा एकदा घरच्या मैदानावर आपण अव्वल असल्याचं दाखवून दिलं. मात्र भारताच्या या कामगिरीचा विराट कोहली, जसप्रीत बुमराह आणि युझवेंद्र चहल यांना फायदा झाला आहे. विराट आणि जसप्रीत यांनी अनुक्रमे फलंदाजी व गोलंदाजीत आपलं अव्वल स्थान कायम राकलं असून, युझवेंद्र चहलने गोलंदाजीत सर्वोत्तम १० जणांमध्ये प्रवेश मिळवला आहे. सध्या चहल आठव्या स्थानावर पोहचला आहे. विराट आणि रोहित यांनी विंडीजविरुद्धच्या मालिकेत चांगली कामगिरी केली, त्यामुळे हे दोन्ही फलंदाज अनुक्रमे पहिल्या व दुसऱ्या स्थानावर कायम राहिले आहेत.