Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

पहिल्या सत्रात मयांक अग्रवालची एकाकी झुंज

Ind vs NZ : तब्बल ३० वर्षांनी मयांकने केली कोणालाही न जमलेली कामगिरी

वेलिंग्टन कसोटी सामन्यात न्यूझीलंडने पहिल्या दिवसाच्या खेळात भारतीय फलंदाजांना चांगलच जेरीस आणलं. नाणेफेक जिंकून प्रथम गोलंदाजी करण्याचा केन विल्यमसनचा निर्णय त्याच्या गोलंदाजांनी सार्थ ठरवला. सलामीवीर पृथ्वी शॉ, चेतेश्वर पुजारा आणि कर्णधार विराट कोहली हे फलंदाज झटपट माघारी परतले. मात्र भारताचा दुसरा सलामीवीर मयांक अग्रवालने संयमी खेळी करत भारताचा डाव सावरला.

भारताचे ३ फलंदाज माघारी परतल्यानंतर मयांक आणि अजिंक्य रहाणे जोडीने नेटाने न्यूझीलंडच्या गोलंदाजांचा सामना केला. दोन्ही खेळाडूंनी पहिलं सत्र खेळून काढत संघाची अधिक पडझड होणार नाही याची काळजी घेतली. यादरम्यान १९९० नंतर मयांक अग्रवाल न्यूझीलंडमध्ये कसोटी सामन्यात पहिलं सत्र खेळून काढणारा पहिलाच फलंदाज ठरला आहे. याआधी १९९० साली नेपियर कसोटीत मनोज प्रभाकर यांनी पहिलं सत्र खेळून काढलं होतं.

Last Indian opener before Mayank Agarwal to survive the first session of a Test in New Zealand was Manoj Prabhakar in 1990 (95 in 268; Napier). #NZvIND
— Sampath Bandarupalli (@SampathStats) February 21, 2020

मात्र उपहारानंतरच्या सत्रानंतर मयांक अग्रवाल लगेच माघारी परतला. ट्रेंट बोल्टच्या गोलंदाजीवर उंच फटका खेळण्याच्या प्रयत्नाच सीमारेषेवर उभ्या असलेल्या जेमिसनने मयांकचा झेल घेतला. मयांकने ८४ चेंडूत ५ चौकारांसह ३४ धावा केल्या.

अवश्य वाचा – Ind vs NZ : कर्णधार म्हणून विराट पहिल्याच कसोटीत अपयशी

First published on: 21-02-2020 at 08:03 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs nz 1st test opener mayank agarawal dominate first session from india psd

Ind vs NZ : तब्बल ३० वर्षांनी मयांकने केली कोणालाही न जमलेली कामगिरी

पहिल्या सत्रात मयांक अग्रवालची एकाकी झुंज