धोनीच्या दुखापतीची चिंता नको, तो अजुनही फिट अँड फाईन ! हा घ्या पुरावा - Marathi News | Ind Vs Nz Dhoni Miss 3rd Odi Due To Hamstring Injury Happens Only 3rd Time In 12 Years

तिसऱ्या सामन्यात धोनीऐवजी कार्तिकला संधी

भारत विरुद्ध न्यूझीलंड यांच्यातील तिसऱ्या वन-डे सामन्यात महेंद्रसिंह धोनीला मांडीचा स्नायू दुखावल्यामुळे माघार घ्यावी लागली. त्याच्या जागी दिनेश कार्तिकने तिसऱ्या सामन्यात यष्टीरक्षक केलं. मे 2019 साली होणारा विश्वचषक लक्षात घेता, संघातील महत्वाच्या खेळाडूंची शारिरिक तंदुरुस्तीही महत्वाची आहे. याच कारणासाठी बीसीसीआय महत्वाच्या खेळाडूंना विश्रांती देत आहे. त्यामुळे धोनीला झालेल्या दुखापतीमुळे त्याचे चाहते हे आज चिंतेत दिसले. मात्र वयाची पस्तीशी ओलांडल्यानंतरही धोनी मैदानात अजुनही फिट अँड फाईन आहे.

MS Dhoni missing ODIs through injury/illness:
vs NZ, Mount Maunganui, 2019 (hamstring)
3 ODIs in tri-series in WI, 2013 (hamstring)
2 ODIs vs Ire & SA, Belfast, 2007 (viral fever) pic.twitter.com/e6meDRmc94
— Cricbuzz (@cricbuzz) January 28, 2019

गेल्या 12 वर्षांच्या कालावधीत धोनी केवळ 3 वेळा दुखापतीमुळे संघाबाहेर बसला आहे. मधल्या काळात धोनीच्या संथ खेळीवर अनेकांनी टीका केली होती. मात्र धावा काढताना त्याचा वेग, यष्टींमागे त्याची चपळाई पाहता तो अजुनही तंदुरुस्त असल्याचं दिसतं होतं. सध्यातरी धोनीची दुखापत गंभीर नसल्याचं बोललं जातंय, त्यामुळे आगामी सामन्यांमध्ये तो पुनरागमन करण्याची शक्यता आहे. त्यामुळे धोनीची ही शारिरिक तंदुरुस्ती विश्वचषकापर्यंत अशीच कायम राहो अशी प्रार्थना त्याचे चाहते करताना दिसत आहेत.

First published on: 28-01-2019 at 13:02 IST

TOPICSमहेंद्रसिंग धोनी Mahendra Singh Dhoni

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs nz dhoni miss 3rd odi due to hamstring injury happens only 3rd time in 12 years