scorecardresearch

Premium

IND vs PAK: पाकिस्तानविरुद्धच्या सामन्यापूर्वी टीम इंडियाने केला इनडोअर सराव, के.एल. राहुलने गाळला घाम, पाहा फोटो

India vs Pakistan: आशिया चषक २०२३ सुपर-४ भारत विरुद्ध पाकिस्तान यांच्यातील सामना १० सप्टेंबर रोजी श्रीलंकेत होणार आहे. त्याआधी भारतीय संघाने कसून सराव केला.

IND vs PAK: Team India did indoor practice before the match against Pakistan KL Rahul was also seen see photos
स्टार यष्टीरक्षक फलंदाज के.एल. राहुलही इनडोअर नेटमध्ये सराव करताना दिसला. सौजन्य- बीसीसीआय (ट्वीटर)

India vs Pakistan: पाकिस्तान विरुद्धच्या सामन्यापूर्वी टीम इंडियाने कोलंबो येथील एनसीसीमध्ये इनडोअर सराव सुरू केला आहे. यावेळी स्टार यष्टीरक्षक फलंदाज के.एल. राहुलही इनडोअर नेटमध्ये सराव करताना दिसला. बीसीसीआयने आपल्या अधिकृत ट्वीटर अकाऊंटवर टीम इंडियाच्या सरावाची छायाचित्रे शेअर केली आहेत. वास्तविक, आशिया चषक २०२३चा सुपर-४ सामना भारत विरुद्ध पाकिस्तान यांच्यात रविवारी, १० सप्टेंबर रोजी श्रीलंकेत होणार आहे. गट फेरीत यापूर्वी भारत विरुद्ध पाकिस्तान यांच्यातील सामना पावसामुळे रद्द करण्यात आला होता.

बीसीसीआयने आपल्या सोशल मीडिया ट्वीटर अकाउंटवर टीम इंडियाच्या इनडोअर सरावाची छायाचित्रे शेअर केली आहेत. या छायाचित्रांमध्ये कर्णधार रोहित शर्मा, विराट कोहली, के.एल. राहुल, सूर्यकुमार यादव, शार्दुल ठाकूर, शुबमन गिल आणि उपकर्णधार हार्दिक पांड्या दिसत आहेत. वास्तविक, सुपर-४ मध्ये भारताला पहिला सामना पाकिस्तानविरुद्ध खेळायचा आहे. यासाठी संघाने आतापासून सरावाला सुरुवात केली आहे. टीम इंडियाचा सराव करतानाचे फोटो व्हायरल होत आहेत.

ICC action on Wanindu Hasranga
SL vs AFG 3rd T20 : पंचांशी वाद घालणं पडलं महागात; श्रीलंकेच्या कर्णधारावर आयसीसीची मोठी कारवाई
England vs India match preview,
मायदेशातील वर्चस्व राखण्याची संधी! फिरकीला अनुकूल खेळपट्टीवर भारत इंग्लंड चौथी कसोटी आजपासून
Irfan Pathan Reply to Pakistan
U19 World Cup Final : भारताच्या पराभवानंतर इरफान पठाण पाकिस्तानवर का भडकला?
U19 World Cup 2024 Updates in marathi
U19 WC 2024 final: भारत आणि पाकिस्तान यांच्यात होणार अंतिम सामना? टीम इंडियाला मिळणार १८ वर्षांपूर्वीचा बदला घेण्याची संधी

के.एल. राहुलने इनडोअर व्यायामही केला

टीम इंडियाचा स्टार यष्टीरक्षक फलंदाज के.एल. राहुलला आशिया चषक गट साखळीतील पहिल्या दोन सामन्यात तो पूर्णपणे तंदुरस्त नव्हता त्यामुळे त्याला प्लेईंग११मध्ये संधी मिळाली नाही. मात्र, सुपर-४मधील पाकिस्तानविरुद्धच्या सामन्यापूर्वी तो इनडोअर सराव करत आहे. अशा स्थितीत राहुल पाकिस्तानविरुद्धच्या प्लेइंग इलेव्हनमध्ये पुनरागमन करू शकतो. मात्र, पाकिस्तानच्या सामन्यापूर्वी जरी राहुल पूर्णपणे तंदुरुस्त दिसत असला तरी कोणाच्या जागी खेळणार हे पाहणे उत्सुकतेचे ठरणार आहे. इशान किशन आपली जागा सोडणार का? याचे उत्तर येणाऱ्या काळातच मिळेल, यासह राहुलची विश्वचषक संघातही निवड झाली आहे.

हेही वाचा: IND vs PAK: विश्वचषकाआधी शोएब-हरभजनमध्ये जुंपली; अख्तर म्हणाला, “वर्ल्ड कपमधून आम्ही टीम इंडियाला…”

ग्रुप स्टेजमधील भारत विरुद्ध पाकिस्तान सामना रद्द करण्यात आला

आशिया चषक २०२३ मध्ये, ग्रुप स्टेजमध्ये भारत विरुद्ध पाकिस्तान यांच्यातील सामना २ सप्टेंबर रोजी खेळला गेला. यादरम्यान कर्णधार रोहित शर्माने नाणेफेक जिंकून प्रथम फलंदाजी करण्याचा निर्णय घेतला. पण संघाची सुरुवात खूपच खराब झाली होती. शाहीन आफ्रिदीने भारताची टॉप ऑर्डर त्याच्या शानदार गोलंदाजीच्या जोरावर नेस्तनाबूत केली होती. मात्र, इशान किशन (८२) आणि हार्दिक पांड्या (८७) यांनी शानदार खेळी खेळली आणि ४८.५ षटकात २६६ या सन्मानजनक धावसंख्येनजीक नेले. त्यानंतर पाऊस सुरू झाला आणि सामने थांबवण्यात आले. मात्र, त्यानंतर पंचांनी बराच वेळ वाट पाहिली आणि दुसरा डाव न घेताच रद्द करण्याचा निर्णय घेतला.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs pak team indias indoor practice before the match against pakistan kl rahul sweated see photo avw

First published on: 07-09-2023 at 23:16 IST

संबंधित बातम्या

तुम्ही या बातम्या वाचल्या आहेत का? ×