scorecardresearch

Premium

IND vs SA 1st T20: आजच्या सामन्यात पाऊस खोडा घालणार का? जाणून घ्या डरबनमधील हवामान अंदाज आणि टीम इंडियाची आकडेवारी

IND vs SA 1st T20I weather and Pitch Report: भारत आणि दक्षिण आफ्रिका यांच्यातील पहिला T20 सामना डरबनमध्ये खेळवला जाणार आहे. सामन्यापूर्वी डरबनची खेळपट्टी आणि हवामान कसे आहे, जाणून घेऊ या.

IND vs SA head-to-head and pitch report: India and South Africa have clashed 23 times in T20 see who has the upper hand
भारत आणि दक्षिण आफ्रिका यांच्यातील पहिला T20 सामना डरबनमध्ये खेळवला जाणार आहे. सौजन्य- (ट्वीटर)

India vs South Africa 1st T20I weather and Pitch Report: भारत आणि दक्षिण आफ्रिका यांच्यातील तीन सामन्यांच्या मालिकेतील पहिला टी-२० सामना रविवारी (१० डिसेंबर) डरबनमधील किंग्समीड क्रिकेट स्टेडियमवर खेळवला जाईल. डरबनची खेळपट्टी कशी असेल, हे जाणून घेण्याची उत्सुकता क्रिकेट चाहत्यांना आहे. सूर्यकुमार यादवच्या नेतृत्वाखालील भारतीय संघाला मालिकेची सुरुवात विजयाने करायची आहे. पहिला टी-२० जिंकून मालिकेत लवकर आघाडी घेण्याचा टीम इंडियाचा प्रयत्न असेल. नाणेफेक जिंकल्यानंतर प्रथम काय केले पाहिजे आणि या खेळपट्टीवर सरासरी धावसंख्या किती आहे? जाणून घेऊ या.

डरबनमधील किंग्समीड क्रिकेट स्टेडियमची विकेट पारंपारिकपणे वेगवान गोलंदाजांना अनुकूल आहे. येथे वेगवान गोलंदाजांना चांगली उसळी मिळते. ही जगातील सर्वात वेगवान खेळपट्ट्यांपैकी एक आहे. वेगवान गोलंदाजांना या खेळपट्टीवर खूप मदत मिळते. मात्र, येथे खूप धावा देखील होतात. प्रथम फलंदाजी करणाऱ्या संघाला इथे फायदा होऊ शकतो. येथे पाठलाग करणाऱ्या संघाची सरासरी १४३ धावा आहे. अलीकडे, ऑगस्ट-सप्टेंबरमध्ये, ऑस्ट्रेलिया आणि दक्षिण आफ्रिकेचे संघ तीन टी-२० सामन्यांमध्ये एकमेकांसमोर आले होते, जिथे तिन्ही वेळा १९० पेक्षा जास्त धावसंख्या झाली होती. नाणेफेक जिंकून प्रथम फलंदाजी करणाऱ्या संघाने १८० धावा केल्या तर विजयाची शक्यता जास्त असते. या खेळपट्टीवर प्रथम फलंदाजी करणाऱ्या संघाची सरासरी १५३ धावांची आहे.

England vs India match preview,
मायदेशातील वर्चस्व राखण्याची संधी! फिरकीला अनुकूल खेळपट्टीवर भारत इंग्लंड चौथी कसोटी आजपासून
India Vs England 3rd Test Rohit Sharma Video Viral
IND vs ENG : रोहित शर्माने बूट उचलला, अन् जैस्वाल-सर्फराझसह इंग्लंडचे खेळाडू फिरले माघारी, VIDEO व्हायरल
U19 World Cup 2024 Updates in marathi
U19 WC 2024 final: भारत आणि पाकिस्तान यांच्यात होणार अंतिम सामना? टीम इंडियाला मिळणार १८ वर्षांपूर्वीचा बदला घेण्याची संधी
U19 World Cup Semi Final 2024 IND vs SA Match Updates in marathi
U19 World Cup 2024 : भारत-दक्षिण आफ्रिका यांच्यातील उपांत्य फेरीचा सामना कधी आणि कुठे पाहता येणार? जाणून घ्या

किंग्समीड क्रिकेट स्टेडियमवर १८ टी-२० सामने खेळले गेले आहेत.

किंग्समीड क्रिकेट स्टेडियमवर १८ टी-२० आंतरराष्ट्रीय सामने खेळले गेले आहेत. दक्षिण आफ्रिकेने ५ सामने जिंकले आहेत तर पाहुण्या संघाने ६ सामन्यात विजय मिळवला आहे. भारताने डरबनमध्ये ४ टी-२० सामने खेळले आहेत आणि चारही जिंकले आहेत. या खेळपट्टीवर भारतीय संघाने इंग्लंडविरुद्ध २१८ धावा केल्या आहेत, तर टीम इंडियाची येथे सर्वात कमी धावसंख्या १४१ धावा आहेत.

हेही वाचा: IND vs SA 1st T20: टीम इंडियासमोर आज दक्षिण आफ्रिकेचे कडवे आव्हान, जाणून घ्या दोन्ही संघातील संभाव्य प्लेइंग-११

किंग्समीड स्टेडियमवर भारताचा यापूर्वीचा विक्रम

भारताने या मैदानावर आतापर्यंत एकूण पाच टी-२० सामने खेळले आहेत, २००७ मध्ये भारताने आपले सर्व सामने येथे खेळले होते. भारताने येथे ५ पैकी ३ सामने प्रथम फलंदाजी करत जिंकले आहेत. येथे भारत आणि दक्षिण आफ्रिका यांच्यात सामना झाला, जो भारताने ३७ धावांनी जिंकला होता.

टी-२० मध्ये भारत विरुद्ध दक्षिण आफ्रिका दोन्ही संघातील आकडेवारी

भारत आणि दक्षिण आफ्रिका यांच्यात किती टी-२० सामने खेळले गेले: २३

टी-२० मध्ये भारताने दक्षिण आफ्रिकेला किती सामन्यात पराभूत केले: १३

टी-२० मध्ये दक्षिण आफ्रिकेने भारताला किती सामन्यात पराभूत केले: १०

भारताने दक्षिण आफ्रिकेला त्यांच्याच भूमीवर किती वेळा पराभूत केले: ५

हेही वाचा: IND vs SA : भारत-दक्षिण आफ्रिका यांच्यातील पहिला टी-२० सामना कधी आणि कुठे पाहता येणार? जाणून घ्या

भारत विरुद्ध दक्षिण आफ्रिका हवामान अहवाल

हवामान वेबसाइट Accuweather नुसार, डरबनमध्ये सामन्याच्या दिवशी म्हणजेच १० डिसेंबरला पावसाची ६० टक्के शक्यता आहे. म्हणजे पावसामुळे खेळात व्यत्यय येऊ शकतो. दिवसभरात कमाल तापमान २१ अंश सेल्सिअस राहील, तर संध्याकाळी तापमान २० अंशांच्या खाली जाण्याची शक्यता आहे.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs sa 1st t20 will rain spoil todays match know the stats of team india in durban avw

First published on: 10-12-2023 at 12:46 IST

संबंधित बातम्या

तुम्ही या बातम्या वाचल्या आहेत का? ×