Asian Games Cricket, IND W vs BAN W Semi-Final 2023 Highlights: आशियाई क्रीडा स्पर्धेत भारतीय महिला क्रिकेट संघाला किमान रौप्य पदक निश्चित आहे. उपांत्य फेरीच्या सामन्यात भारताने बांगलादेशचा आठ गडी राखून पराभव केला. बांगलादेशने नाणेफेक जिंकून प्रथम फलंदाजी करत ५१ धावा केल्या. प्रत्युत्तरात भारताने दोन गडी गमावून ५२ धावा केल्या. भारतीय महिला संघाने अंतिम सामन्यात जर विजय मिळवला तर ते सुवर्ण पदकाचे मानकरी ठरतील फक्त ते पाकिस्तानला हरवतात की श्रीलंकेला हे पाहणे उत्सुकतेचे ठरणार आहे.

भारताने बांगलादेशचा पराभव केला

बांगलादेशचा आठ गडी राखून पराभव करत भारताने अंतिम फेरीत स्थान निश्चित केले आहे. या विजयासह भारतीय संघाने किमान रौप्य पदक निश्चित केले आहे. प्रथम फलंदाजी करताना बांगलादेशने १७.५ षटकांत सर्व गडी गमावून ५१ धावा केल्या. केवळ कॅप्टन निगार सुलतानाला दुहेरी आकडा पार करता आला. त्याने १२ धावा केल्या होत्या. भारताकडून पूजा वस्त्राकरने सर्वाधिक चार विकेट्स घेतल्या. भारताने ८.२ षटकात दोन गडी गमावून ५२ धावा केल्या आणि सहज लक्ष्य गाठले. भारताकडून जेमिमाह रॉड्रिग्जने १५ चेंडूत सर्वाधिक नाबाद २० धावा केल्या. शफालीने १७ धावांचे योगदान दिले. आता अंतिम फेरीत टीम इंडियाचा सामना पाकिस्तान किंवा श्रीलंकेशी होणार आहे.

बांगलादेशने ५१ धावा केल्या

बांगलादेशने नाणेफेक जिंकून प्रथम फलंदाजी करत ५१ धावा केल्या. संपूर्ण संघ १७.५ षटकांत ५१ धावांत गारद झाला. कर्णधार निगार सुलतानाने सर्वाधिक १२ धावा केल्या. त्याच्याशिवाय इतर कोणत्याही फलंदाजाला दुहेरी आकडा गाठता आला नाही. नऊ धावा नाबाद राहिलेली नाहिदा अख्तर ही संघाची दुसऱ्या क्रमांकाची सर्वोच्च धावसंख्या ठरली. भारताकडून पूजा वस्त्राकरने सर्वाधिक चार विकेट्स घेतल्या. तीतस साधू, अमनजोत कौर, राजेश्वरी गायकवाड आणि देविका वैद्य यांनी प्रत्येकी एक गडी बाद केला.

हेही वाचा: Asian Games 2023, Hockey: चक डे इंडिया! भारतीय हॉकी संघाची ऐतिहासिक कामगिरी, उझबेकिस्तानवर १६-०ने मिळवला दणदणीत विजय

हरमनप्रीत कौर या सामन्यातही खेळली नाही

भारतीय महिला संघाची नियमित कर्णधार हरमनप्रीत कौर बांगलादेशविरुद्धचा सामनाही खेळली नाही. बांगलादेशविरुद्धच्या मालिकेतच तिच्या वर्तनामुळे तिच्यावर दोन सामन्यांची बंदी घालण्यात आली आहे. या अर्थाने, हा तिचा दुसरा सामना असेल, ज्यामध्ये ती संघासोबत असेल, परंतु प्लेइंग-११ मध्ये नाही. हरमनप्रीतशिवाय भारतीय संघ हा सामना जिंकला असल्याने आता ती अंतिम सामन्यात खेळण्यासाठी उपलब्ध होईल.

हेही वाचा: Varanasi Kashi Vishwanath: सचिन, गावसकर, कपिल देव यांच्यासह ‘या’ दिग्गजांनी काशी विश्वनाथ मंदिराला दिली भेट; पाहा Video

दोन्ही संघातील प्लेईंग-११

बांगलादेश: निगार सुलताना (कर्णधार), मारुफा अख्तर, नाहिदा अख्तर, शोर्ना अख्तर, फहिमा खातून, सुलताना खातून, रितू मोनी, शोभना मोस्तारी, राबेया खान, शथी राणी, शमीमा सुलताना (विकेटकीपर).

This quiz is AI-generated and for edutainment purposes only.

भारत: स्मृती मंधांना (कर्णधार), अमनजोत कौर, शेफाली वर्मा, कनिका आहुजा, राजेश्वरी गायकवाड, रिचा घोष (यष्टीरक्षक), जेमिमाह रॉड्रिग्स, तीतास साधू, दीप्ती शर्मा, देविका वैद्य, पूजा वस्त्राकर.