scorecardresearch

Premium

Asian Games: भारतीय क्रिकेट संघ ॲथलीट्स व्हिलेजमध्ये दाखल, उपांत्यपूर्व फेरीचा सामना खेळण्यासाठी उतरणार मैदानात

Indian Men’s Cricket Team: चीनमध्ये सुरू असलेल्या १९व्या आशियाई क्रीडा स्पर्धेत सहभागी होण्यासाठी भारतीय पुरुष क्रिकेट संघ ॲथलीट्स व्हिलेजमध्ये पोहोचला आहे. टीम इंडिया ३ ऑक्टोबर रोजी आशियाई क्रीडा स्पर्धेत उपांत्यपूर्व फेरीचा सामना खेळणार आहे.

19th Asian Games Updates
भारतीय पुरुष क्रिकेट संघ (फोटो-टीम इंडिया ट्विटर)

Indian Mens Cricket Team has arrived at the Athlete’s Village: चीनमधील हांगझोऊ येथे सुरू असलेल्या १९व्या आशियाई क्रीडा स्पर्धेत पुरुषांच्या क्रिकेट स्पर्धेत सहभागी होण्यासाठी भारतीय संघ पोहोचला आहे. टीम इंडिया ३ ऑक्टोबर रोजी उपांत्यपूर्व फेरीच्या सामन्याने आपल्या मोहिमेची सुरुवात करेल. ॲथलीट्स व्हिलेजमध्ये पोहोचलेल्या भारतीय संघाचे फोटोही समोर आले आहेत, ज्यामध्ये संपूर्ण टीम एकत्र दिसत आहे.

१९व्या आशियाई क्रीडा स्पर्धेसाठी भारतीय क्रिकेट संघाच्या कर्णधारपदाची जबाबदारी ऋतुराज गायकवाडच्या खांद्यावर सोपवण्यात आली आहे.
आशियाई क्रीडा स्पर्धेत भारताने आतापर्यंत चांगली कामगिरी केली आहे. भारतीय संघाने महिला क्रिकेट स्पर्धेत सुवर्णपदक पटकावले होते. पुरुष संघाकडूनही अशाच कामगिरीची सर्व चाहत्यांना अपेक्षा आहे. एकदिवसीय विश्वचषक २०२३ मुळे, आशियाई क्रीडा स्पर्धेत भाग घेण्यासाठी गेलेल्या भारतीय संघात अनेक युवा खेळाडूंचा समावेश करण्यात आला आहे, ज्यामध्ये प्रभसिमरन सिंग आणि जितेश शर्मा या खेळाडूंचा समावेश आहे. ज्यांनी आयपीएलमधील आपल्या कामगिरीने सर्वांना प्रभावित केले होते.

WPL 2024 Delhi Capitals vs Mumbai Indians Live Streaming Updates
WPL 2024 : डब्ल्यूपीएलच्या पहिल्या सामन्यात मुंबई-दिल्ली आमनेसामने, जाणून घ्या कधी आणि कुठे पाहता येणार सामना?
ITTF World Table Tennis Team Championship Updates
Paris Olympics : भारतीय टेबल टेनिस संघांनी रचला इतिहास, पॅरिस ऑलिम्पिकसाठी ठरले पात्र
Umpire stops Australia Wicket celebrations no appeal For run out Rule For Not Out AUS vs WI T20I Highlights Second Win After IND vs AUS
ऑस्ट्रेलियाचं सेलिब्रेशन पंचांनी थांबवलं; बाद असूनही ‘त्याला’ घोषित केलं नाबाद, क्रिकेटचा हा नियम काय सांगतो?
U19 World Cup 2024 Updates in marathi
U19 WC 2024 final: भारत आणि पाकिस्तान यांच्यात होणार अंतिम सामना? टीम इंडियाला मिळणार १८ वर्षांपूर्वीचा बदला घेण्याची संधी

भारतीय संघाबद्दल बोलायचे तर त्यात ऋतुराज गायकवाड, रिंकू सिंग आणि तिलक वर्मा यांचाही समावेश आहे, ज्यांनी यावर्षी आतापर्यंत टी-२० फॉरमॅटमध्ये बॅटने उत्कृष्ट कामगिरी केली आहे. गोलंदाजी विभागात आवेश खान, रवी बिश्नोई, अर्शदीप सिंग आणि मुकेश कुमार यांच्या नावांचा समावेश आहेत.

हेही वाचा – Ravichandran Ashwin: माजी खेळाडूचे आश्विनबाबत वादग्रस्त वक्तव्य; म्हणाला, “जर CSK आणि MSD नसते, तर त्याला…”

भारत-पाकिस्तान हॉकी सामना पाहण्यासाठी क्रिकेट संघाचे खेळाडू होते उपस्थित –

आशियाई क्रीडा स्पर्धेत, ३० सप्टेंबर रोजी हॉकी पूल-ए मध्ये भारत आणि पाकिस्तान यांच्यात सामना खेळला गेला. या सामन्यात भारतीय हॉकी संघाची जबरदस्त एकतर्फी कामगिरी पाहायला मिळाली, ज्यात त्यांनी १०-२ अशा फरकाने ऐतिहासिक विजय नोंदवला. यावेळी हॉकी संघाला पाठिंबा देण्यासाठी भारतीय क्रिकेट संघाचे खेळाडूही स्टेडियममध्ये उपस्थित होते, ज्यात रिंकू सिंग, यशस्वी जैस्वाल, अर्शदीप सिंग, कर्णधार ऋतुराज गायकवाड आणि राहुल त्रिपाठी यांचा समावेश होता.

हेही वाचा – MS Dhoni: माहीने ‘देसी बॉयज’मधील ‘झक मार के’ गाण्यावर साक्षीसमोर धरला ठेका, मजेशीर डान्सचा VIDEO होतोय व्हायरल

आशियाई क्रीडा स्पर्धेसाठी भारतीय पुरुष संघ –

यशस्वी जैस्वाल, ऋतुराज गायकवाड (कर्णधार), राहुल त्रिपाठी, रिंकू सिंग, तिलक वर्मा, वॉशिंग्टन सुंदर, शाहबाज अहमद, शिवम दुबे, जितेश शर्मा (यष्टीरक्षक), प्रभसिमरन सिंग (यष्टीरक्षक), रवी बिश्नोई, मुकेश कुमार, आवेश खान, अर्शदीप सिंग आणि आकाशदीप सिंग.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Indian mens cricket team has arrived at the athletes village for asian games 2023 vbm

First published on: 01-10-2023 at 14:36 IST

संबंधित बातम्या

तुम्ही या बातम्या वाचल्या आहेत का? ×