पीटीआय, लखनऊ

केएल राहुलच्या नेतृत्वाखालील लखनऊ सुपर जायंट्स संघ इंडियन प्रीमियर लीगच्या (आयपीएल) १७व्या हंगामात आपले विजयाचे खाते उघडण्यासाठी उत्सुक असून आज, शनिवारी त्यांच्यासमोर पंजाब किंग्जचे आव्हान असेल. यंदाच्या हंगामातील लखनऊचा हा दुसरा, तर पंजाबचा तिसरा सामना असेल.

Shubamn Gill Touches Feet of Abhishek sharma Mother Video Viral
IPL 2024: शुबमन गिलने स्टेडियममध्येच अभिषेक शर्माच्या आईला खाली वाकून केला नमस्कार, Video व्हायरल
KKR Seo on Rohit Sharma Abhishek Nayar Viral Video
IPL 2024: रोहित शर्मा-अभिषेक नायर ‘त्या’ व्हायरल व्हीडिओमध्ये नेमकं काय बोलत होते? KKR च्या सीईओने केला खुलासा
Rohit Sharma and Ajit Agarkar on Hardik Pandya Selection
T20 World Cup : हार्दिक पंड्याला संघात घेण्यास रोहित शर्मा, अजित आगरकर यांचा विरोध होता?
Gujarat Titans must win the IPL cricket match against Kolkata Knight Riders sport news
गुजरातला विजय अनिवार्य! आज कोलकाता नाइट रायडर्सचे आव्हान; रसेल, गिलकडे लक्ष
MS Dhoni announcement on way
CSK vs RR : एमएस धोनीचा चेन्नईत शेवटचा IPL सामना? CSK च्या ‘त्या’ पोस्टने चाहत्यांची वाढली धाकधूक
Mumbai Indians Seniors Questioned Team Functioning Under Hardik Pandya Captaincy
IPL 2024: हार्दिक पंड्याच्या नेतृत्वावर मुंबई इंडियन्स संघातील वरिष्ठ नाराज
LSG fan video viral at Chepauk Stadium
CSK vs LSG : चेन्नईविरुद्धच्या विजयानंतर लखनऊच्या ‘त्या’ चाहत्याच्या आनंदाला उरला नाही पारावार, VIDEO होतोय व्हायरल
IPL 2024 Gujarat Titans vs Delhi Capitals today match sport news
दिल्लीची आज गुजरातशी गाठ

लखनऊला पहिल्या सामन्यात राजस्थान रॉयल्सकडून २० धावांनी पराभव पत्करावा लागला होता. या सामन्यात कृणाल पंडय़ा वगळता लखनऊच्या सर्वच गोलंदाजांनी निराशा केली. आता हंगामातील पहिला विजय मिळवायचा झाल्यास, लखनऊच्या गोलंदाजांना पंजाबविरुद्ध प्रभाव पाडावा लागेल.

दुसरीकडे, पंजाबच्या संघाने चंडिगड येथे झालेल्या आपल्या पहिल्या सामन्यात दिल्ली कॅपिटल्स संघाला नमवले होते. मात्र, दुसऱ्या सामन्यात त्यांना रॉयल चॅलेंजर्स बंगळूरु संघाकडून हार पत्करावी लागली. लखनऊविरुद्ध विजयी पुनरागमनाचा त्यांचा प्रयत्न असेल.

हेही वाचा >>>RCB vs KKR : कोलकाताचा बंगळुरूमध्ये विजयी विक्रम कायम, केकेआरकडून आरसीबीचा ७ गडी राखून पराभव

राहुल, बिश्नोईवर नजर

मार्क वूड आणि डेव्हिड विली यांच्या अनुपस्थितीत लखनऊची गोलंदाजी कमकुवत भासत आहे. मोहसिन खान, नवीन उल हक आणि यश ठाकूर या वेगवान गोलंदाजांवर अतिरिक्त जबाबदारी आहे. लखनऊकडे शमार जोसेफला खेळवण्याचा पर्याय आहे. तसेच आगामी ट्वेन्टी-२० विश्वचषकाच्या दृष्टीने लखनऊचा लेग-स्पिनर रवी बिश्नोई आणि कर्णधार केएल राहुल यांच्यासाठी यंदाचा ‘आयपीएल’ हंगाम अत्यंत महत्त्वाचा ठरणार आहे. बिश्नोईला कामगिरी उंचवावी लागेल. पहिल्या सामन्यात राहुलने यष्टिरक्षण करतानाच सलामीला येण्याचा निर्णय घेतला. त्याने अर्धशतकही साकारले. त्याचा कामगिरीत सातत्य राखण्याचा प्रयत्न असेल. त्याचा साथीदार क्विंटन डिकॉक, देवदत्त पडिक्कल, मार्कस स्टोइनिस आणि निकोलस पूरन यांचे योगदानही लखनऊसाठी महत्त्वाचे ठरेल.

हेही वाचा >>>RCB vs KKR : विराट-गौतमने जिंकली सर्वांची मनं, गतवर्षातील वाद विसरुन एकमेकांची घेतली गळाभेट, VIDEO व्हायरल

बेअरस्टो, करनवर मदार

शिखर धवनच्या नेतृत्वाखालील पंजाब किंग्ज संघाने ‘पॉवरप्ले’मधील आपली धावगती वाढवणे आवश्यक आहे. विशेषत: जॉनी बेअरस्टोने आक्रमक शैलीत खेळतानाच कामगिरीत सातत्य राखणे गरजेचे आहे. त्याला धवनची साथ मिळाल्यास पंजाबच्या मधल्या फळीवरील दडपण कमी होईल. डावखुऱ्या धवनने गेल्या सामन्यात बंगळूरुविरुद्ध ४५ धावा केल्या होत्या. प्रभसिमरन सिंगला चांगल्या सुरुवातीचे मोठय़ा खेळीत रूपांतर करावे लागेल. अष्टपैलू सॅम करनने दोन्ही सामन्यांत आपल्या फलंदाजीने प्रभावित केले. मात्र, गोलंदाजीत त्याला चमक दाखवता आली नाही. जितेश शर्मालाही आपली कामगिरी उंचवावी लागेल. वेगवान गोलंदाजांमध्ये कगिसो रबाडाला करन, अर्शदीप सिंग आणि हर्षल पटेल यांच्याकडून सहकार्याची अपेक्षा असेल. फिरकीपटू हरप्रीत ब्रार आणि राहुल चहर यांच्यावरही लक्ष राहील.

’ वेळ : सायं. ७.३० वा.

’ थेट प्रक्षेपण : स्टार स्पोर्ट्स १, १ हिंदी, जिओ सिनेमा.