IPL 2024 Auction: आयपीएलच्या लिलावाची तारीख जाहीर, जाणून घ्या कधी आणि कुठे खेळाडूंवर लावली जाणार बोली?IPL 2024 auction will be held on December 19 in Dubai

IPL 2024 Auction Updates: आयपीएल २०२४ चा लिलाव दुबईत होऊ शकतो अशा बातम्या आधीच आल्या होत्या आणि आता त्याची पुष्टी झाली आहे. आयपीएलमधील खेळाडूंचा लिलाव देशाबाहेर होण्याची ही पहिलीच वेळ आहे.

17th season of Indian Premier League Updates

आयपीएल २०२४ चा लिलाव (फोटो-आयपीएल ट्विटर)

IPL 2024 auction will be held on December 19 in Dubai: इंडियन प्रीमियर लीगच्या १७व्या हंगामाचा (आयपीएल २०२४) लिलाव १९ डिसेंबर रोजी दुबई येथे होणार आहे. आयपीएलचा लिलाव भारताबाहेर होण्याची ही पहिलीच वेळ असेल. ईएसपीएनक्रिकइंफोच्या रिपोर्टनुसार, सर्व १० फ्रँचायझींना पाठवलेल्या संदेशात बीसीसीआयने असेही सांगितले की, कायम ठेवलेल्या खेळाडूंची यादी आणि सोडलेल्या खेळाडूंची यादी जाहीर करण्याची अंतिम २६ नोव्हेंबर निश्चित करण्यात आली आहे.

आगामी हंगाम हे खेळाडूंसाठी तीन वर्षांच्या कराराचे तिसरे आणि अंतिम वर्ष असेल. पुढील वर्षी मेगा लिलाव होणार आहे. बीसीसीआयने गेल्या वर्षीचा लिलाव इस्तंबूलमध्ये आयोजित करण्याचा विचार केला होता, परंतु हा विचार मागे घेतला होता. आयपीएलने शुक्रवारी जाहीर केले की २०२३ च्या हंगामात लखनऊ सुपर जायंट्स सोबत असलेल्या वेस्ट इंडिजचा खेळाडू रोमॅरियो शेफर्डचा पुढील हंगामासाठी मुंबई इंडियन्सोबत व्यवहार (ट्रेड) करण्यात आला आहे.

ज्या दिवशी लिलाव होईल, त्या दिवशी भारतीय संघ दक्षिण आफ्रिका दौऱ्यावर दुसरा वनडे खेळण्यात व्यस्त असेल. आयपीएल संघांना कायम ठेवलेल्या आणि सोडलेल्या खेळाडूंची यादी सादर करण्यासाठी २६ नोव्हेंबरपर्यंत वेळ असेल. सर्व १० आयपीएल संघांच्या पर्समध्ये १०० कोटी रुपये असतील, जे गेल्या हंगामापेक्षा ५ कोटी रुपये जास्त आहेत.

हेही वाचा – NED vs AFG, World Cup 2023: अफगाणिस्तानने नेदरलँड्सचा ७ गडी राखून उडवला धुव्वा, गुणतालिकेत पाकिस्तानला टाकले मागे

सध्या, पंजाब किंग्जकडे सर्वात जास्त शिल्लक रक्कम १२.२० कोटी रुपये आहे. त्याचबरोबर पाच वेळची चॅम्पियन मुंबई इंडियन्सकडे सर्वात कमी शिल्लक रक्कम ०.०५ कोटी रुपये आहेत. याशिवाय सनरायझर्स हैदराबादकडे ६.५५ कोटी रुपये आहेत. गुजरात टायटन्स आणि दिल्ली कॅपिटल्स या दोघांकडे ४.४५ कोटी आहेत. त्याच वेळी, लखनऊ सुपर जायंट्सकडे ३.५५ कोटी रुपये आहेत. राजस्थान रॉयल्सकडे ३.३५ कोटी आणि रॉयल चॅलेंजर्स बंगळुरुकडे १.७५ कोटी रुपये आहेत. तसेच कोलकाता नाइट रायडर्सकडे १.६५ कोटी आणि गतविजेत्या चेन्नई सुपर किंग्जकडे १.५ कोटी रुपये शिल्लक आहेत.

हेही वाचा – World Cup 2023: वर्ल्ड कप आपला आहे ना? चाहत्यांच्या प्रश्नाला रोहित शर्माने दिलं ‘हे’ उत्तर; VIDEO होतोय व्हायरल

मिनी लिलाव एका दिवसात संपेल. मिनी लिलावामध्ये दर चार वर्षांनी एकदा होणाऱ्या दोन दिवसांच्या मेगा लिलावाच्या तुलनेत काही सर्वात महाग खरेदी झाली आहे. विशेषतः परदेशी खेळाडूंवर पैशांचा पाऊस पडला आहे. २०२३ च्या हंगामापूर्वी, इंग्लंडचा सॅम करन आयपीएलच्या इतिहासातील सर्वात महागडा खेळाडू ठरला होता. त्याला पंजाब किंग्जने गेल्या वर्षी डिसेंबरमध्ये १८.५ कोटी रुपयांना खरेदी केले होते.

First published on: 03-11-2023 at 22:06 IST