MI vs SRH: कॅमरूनचं वादळ आलं अन् मुंबई इंडियन्सला मिळाला ‘ग्रीन’ सिग्नल, पाहा शतकाचा Video

अवघ्या ४७ चेंडूत ८ षटकार आणि ८ चौकार ठोकून ग्रीनने वानखेडे मैदानात वादळी शतक ठोकलं. तसंच सूर्यकुमार यादवच्या २५ धावांच्या जोरावर मुंबईने २ विकेट गमावून १८ षटकात २९२ धावा करत या सामन्यात दणदणीत विजय मिळवला. ग्रीनच्या या अप्रतिम फलंदाजीचा व्हिडीओ इंडियन प्रीमियर लीगच्या ट्वीटर अकाऊंटवर शेअर करण्यात आला आहे.

नक्की वाचा – रविंद्र जडेजाच्या ‘त्या’ पोस्टमुळं क्रीडाविश्वात खळबळ, ट्वीटरवर म्हणाला, ” त्यांना कर्माचे फळ भोगावे लागेल…”

इथे पाहा व्हिडीओ

मुंबई इंडियन्ससाठी सलामीवीर फलंदाज ईशान किशन आणि रोहित शर्माने चांगली सुरुवात करून दिली. परंतु, ईशान १४ धावांवर असताना भुवनेश्वर कुमारच्या गोलंदाजीवर बाद झाला. पण त्यानंतर रोहित शर्मा आणि कॅमरून ग्रीनने हैदराबादच्या गोलंदाजांचा अक्षरक्षा धुव्वा उडवला. रोहित अर्धशतकी खेळी करून मयंक डगरच्या गोलंदाजीवर बाद झाला. पण त्यानंतर ग्रीनने धावांचा पाऊस पाडला अन् दमदार शतक ठोकलं. सूर्यकुमार यादवने १६ चेंडूत २५ धावांची खेळी साकारली.

सनरायझर्स हैदराबादसाठी विव्रंत शर्माने ४७ चेंडूत २ षटकार आणि ९ चौकारांच्या मदतीनं ६९ धावांची खेळी केली. आकाश मधवालच्या गोलंदाजीवर शर्मा झेलबाद झाला. तसंच मयंक अग्रवालनेही अप्रतिम फलंदाजी करत ४६ चेंडूत ४ षटकार आणि ८ चौकार ठोकून ८३ धावांची खेळी केली. मयंकलाही आकाशने बाद केलं अन् पॅव्हेलियनचा रस्ता दाखवला. त्यानंतर हेनरी क्लासेनही आकाशच्या गोलंदाजीवर १८ धावांवर असताना बाद झाला. हॅरी ब्रुकलाही आकाशने बाद करून हैदराबादला मोठा धक्का दिला.