Mohammad Kaif’s Squad for T20 World Cup 2024 : आयपीएलच्या सतराव्या हंगामानंतर लगेचच वेस्ट इंडिज आणि अमेरिकेत टी-२० विश्वचषक २०२४ ही स्पर्धा आयोजित खेळली जाणार आहे. या स्पर्धेसाठी एप्रिल अखेरीस भारतीय संघाची निवड केली जाईल. टीम इंडियाचा २०१३ नंतरचा आयसीसी ट्रॉफीचा दुष्काळ संपवायचा आहे. या स्पर्धेत खेळण्यासाठी अनेक खेळाडूंना आयपीएलमध्ये चांगली कामगिरी करून आपली छाप सोडायची आहे. अशात माजी क्रिकेटपटू मोहम्मद कैफने टी-२० विश्वचषकासाठी आपला १५ सदस्यीय भारतीय संघ निवडला आहे.

सॅमसन-किशनला स्थान देण्यात आले नाही –

भारतीय संघात किमान १० ते १२ खेळाडूंचे स्थान निश्चित झाले आहे. काही जागांसाठी अनेक दावेदार पुढे आले आहेत. मोहम्मद कैफने स्टार स्पोर्ट्स शो ‘फॉलो द ब्लूज’ मध्ये टी-२० विश्वचषकासाठी संभाव्य १५ खेळाडूंबद्दलची आपली टीम सादर केली. त्याने यष्टिरक्षक म्हणून फक्त ऋषभ पंतला स्थान दिले आहे. त्याने संजू सॅमसन किंवा इशान किशनला स्थान दिलेले नाही. तर चौथा फिरकीपटू युजवेंद्र चहल असेल. रिंकू सिंगच्या जागी कैफने फिनिशरच्या भूमिकेत रियान परागची निवड केली आहे.

finch bishop reviews indian squad t20 world cup
वेगवान गोलंदाजाची कमतरता! ट्वेन्टी-२० विश्वचषकासाठी भारताच्या संघाबाबत फिंच, बिशप यांचे मत
India T20 World Cup Squad Announced 2024 Marathi News
ICC T20 World Cup: संजू सॅमसन, शिवम दुबेला वर्ल्डकपचं तिकीट; हार्दिक पंड्या उपकर्णधार, टी-२० वर्ल्डकपसाठी भारतीय संघ जाहीर
India team selection for the Twenty20 World Cup expected today sport news
गिल, सॅमसनबाबत संभ्रम; ट्वेन्टी२० विश्वचषकासाठी भारताची संघनिवड आज अपेक्षित
Irfan Pathan opinion on Twenty20 World Cup team selection sport news
दोन मनगटी फिरकीपटू आवश्यक! ट्वेन्टी-२० विश्वचषक संघनिवडीबाबत इरफान पठाणचे मत
the indian archer
विश्वचषक तिरंदाजी स्पर्धा: ऐतिहासिक सुवर्णयश; ऑलिम्पिक विजेत्या कोरियाला नमवत भारतीय पुरुष संघाची जेतेपदावर मोहोर
Kevin Pietersen's big statement on Sanju Samson
IPL 2024 : “जर मी निवडकर्ता असतो तर…”, इंग्लंडचा माजी दिग्गज केविन पीटरसनचे संजू सॅमसनबाबत मोठं वक्तव्य
Irfan Pathan Picks 15 Man Squad
Team India : इरफान पठाणने टी-२० विश्वचषकासाठी १५ खेळाडूंची केली निवड, हार्दिक पंड्यासमोर ठेवली ‘ही’ अट
Sanju Samson should be groomed as next T20 captain for India after Rohit says Harbhajan Singh
Team India : रोहितनंतर भारताचा टी-२० कर्णधार कोण होणार? हार्दिक-पंतकडे दुर्लक्ष करत हरभजनने सांगितले ‘हे’ नाव

मोहम्मद कैफची प्लेइंग इलेव्हन –

प्लेइंग इलेव्हनबद्दल बोलताना मोहम्मद कैफ म्हणाला, “यशस्वी जैस्वाल रोहित शर्माबरोबर ओपनिंग करेल. त्यानंतर विराट कोहली तिसऱ्या क्रमांकावर, सूर्यकुमार यादव चौथ्या क्रमांकावर, हार्दिक पंड्या पाचव्या आणि ऋषभ पंत सहाव्या क्रमांकावर असेल. मी अनेक अष्टपैलू खेळाडू ठेवीन. कारण आपल्याला फलंदाजीत सखोलता हवी आहे. म्हणून मी अक्षर पटेलला सातव्या आणि रवींद्र जडेजाला आठव्या क्रमांकावर ठेवले आहे. त्यानंतर कुलदीप यादव नवव्या क्रमांकावर असेल. त्याचबरोबर जसप्रीत बुमराह आणि अर्शदीप सिंग हे दोन वेगवान गोलंदाज असतील.”

हेही वाचा – PBKS vs RR : युजवेंद्र चहलला इतिहास रचण्याची सुवर्णसंधी! IPL मध्ये ‘ही’ कामगिरी करणारा ठरणार पहिलाच गोलंदाज

अश्विनऐवजी चहल का संधी द्यावी?

मोहम्मद कैफ म्हणाला, “भारतीय संघाबद्दल बोलायचे तर आपल्याला आणखी एक फिरकीपटू घ्यावा लागेल. त्यासाठी मला वाटत संघात युजवेंद्र चहलला संधी द्यावी लागेल. कारण तो लेगस्पिनरचा एक उत्तम पर्याय आहे. अश्विन गेल्या वेळी गेला होता. यावेळी तो आयपीएलमध्ये जास्त विकेट्स घेण्यात यशस्वी ठरलेल नाहीये. त्यामुळे माझा विश्वास आहे की चहल हा चेंडू फिरेल अशा खेळपट्टीवर खूप चांगला गोलंदाज आहे.”
शिवम दुबेला १५ सदस्यीय संघात ठेवण्याच्या प्रश्नावर कैफ म्हणाला, “मी शिवम दुबेसोबत जाईन, तो जबरदस्त फॉर्ममध्ये आहे आणि उत्कृष्ट फिरकी खेळतो. पॉवरप्लेच्या षटकांनंतर तो चांगली फटकेबाजी करतो. यानंतर मी रियान परागला प्राधान्य घेईन. तो असाधारणपणे चांगला खेळत आहे आणि संघात येण्यास पात्र आहे. तसेच मी मोहम्मद सिराजचे नाव घेईन. तो फॉर्मात नाही, पण तो एक अनुभवी गोलंदाज आहे आणि त्याचा रेकॉर्ड उत्कृष्ट आहे.”

हेही वाचा – IPL 2024 : लसिथ मलिंगासह ‘या’ पाच गोलंदाजांनी आयपीएल इतिहासात सर्वाधिक फलंदाजांना केलय शून्यावर बाद

टी-२० विश्वचषक २०२४ साठी मोहम्मद कैफचा भारतीय संघ:

यशस्वी जैस्वाल, रोहित शर्मा (कर्णधार), विराट कोहली, सूर्यकुमार यादव, हार्दिक पंड्या, ऋषभ पंत (यष्टीरक्षक), अक्षर पटेल, रवींद्र जडेजा, कुलदीप यादव, जसप्रीत बुमराह, अर्शदीप सिंह, युजवेंद्र चहल, शिवम दुबे, रियान पराग आणि मोहम्मद सिराज.