IPL 2024, Punjab Kings vs Mumbai Indians: मुंबई विरूद्ध पंजाबच्या अटीतटीच्या सामन्यात मुंबई इंडियन्सच्या संघाने शेवटी बाजी मारली. मुंबई इंडियन्सने पंजाबला ऑल आऊट करत ९ धावांनी निसटता विजय मिळवला. आशुतोष शर्माने अखेरच्या षटकांमध्ये मुंबईवर दबाव आणला खरा पण तो संघाला विजय मिळवून देऊ शकला नाही. आशुतोष शर्माची विकेट मुंबईसाठी महत्त्वाची ठरली. १८व्या षटाकात कोएत्झीने त्याला बाद करत मुंबईला सामन्यात परत आणले. बुमराहला या सामन्यासाठी सामनावीराचा पुरस्कार मिळाला. या सामन्यात त्याने ४ षटकांत २१ धावा देत ३ विकेट्स मिळवल्या. तर दुसऱ्याच षटकात २ महत्त्वाच्या विकेट्स घेतल्या. सामनावीराच्या पुरस्कारासह बुमराह परपल कॅपच्या शर्यतीत पहिल्या स्थानावर पोहोचला आहे. जसप्रीतने ७ सामन्यात सर्वाधिक १३ विकेट्स घेतले.

– quiz

Ishan Kishan reprimanded, Ishan Kishan fined for breaching IPL Code of conduct
DC vs MI: मुंबई इंडियन्सच्या पराभवानंतर इशान किशनवर दंडात्मक कारवाई, वाचा काय आहे कारण?
sunrisers hyderabad
SRH vs LSG: हरली लखनौ, पण आव्हान संपलं मुंबईचं; सनरायझर्सनं अवघ्या पाऊण तासात सामना घातला खिशात!
IPL 2024 Kolkata Knight Riders vs Mumbai Indians Live Match Score in Marathi
KKR vs MI Highlights, IPL 2024: मुंबईचा पराभव करत केकेआर आयपीएल २०२४च्या प्लेऑफमध्ये धडक मारणारा ठरला पहिला संघ
Confirmed Rohit Sharma does not stay with Mumbai Indians team in Mumbai
रोहित शर्माने सांगितलं मुंबई इंडियन्सच्या संघासह न राहण्याचं कारण; म्हणाला, “आता माझ्या हातात तर..”
MI beat SRH by 7 Wickets With Suryakumar Yadav Superb Century
IPL 2024: सूर्यकुमार यादवचे झंझावाती शतक हैदराबादवर पडलं भारी, मुंबई इंडियन्सने व्याजासकट घेतला बदला
unique wedding card Marriage Card viral on social media
अरे बापरे! लग्नपत्रिका वाचूनच घाबरले पाहुणे; लग्नाला जायचं की नाही? VIRAL लग्नपत्रिका पाहून पोट धरुन हसाल
Yashasvi Jaiswal is the first player to score two centuries in IPL before turning 23
IPL 2024: यशस्वीने एकाच शतकासह रचला इतिहास, आयपीएलमध्ये ही कामगिरी करणारा ठरला पहिला फलंदाज
IPL 2024 Punjab Kings vs Mumbai Indians Match Updates in Marathi
IPL 2024: रोहित शर्माने तोडला पोलार्डचा मोठा विक्रम, मुंबईसाठी हा पराक्रम करणारा ठरला पहिला फलंदाज

पंड्याच्या १९व्या षटकात मैदानात सेट झालेल्या हरप्रीत ब्रारनेही आपली विकेट गमावली. हरप्रीत बाद झाल्यानंतर आलेल्या रबाडाने पहिल्याच चेंडूवर षटकार खेचला आणि पुन्हा एकदा वातावरण बदलले. पण मधवालच्या अखेरच्या षटकात मोहम्मद नबीने चांगली फिल्डींग करत चेंडू इशान किशनकडे पाठवला आणि रबाडा धावबाद झाल्याने पंजाब ऑल आऊट झाला आणि मुंबईने अखेरीस सामना जिंकला.

मुंबईने पंजाबला दिलेल्या १९२ धावांचा पाठलाग करताना पहिल्या २ चेंडूवर १० धावा करत पंजाबची चांगली सुरूवात झाली. पण पहिल्याच षटकात प्रभसिमरन सिंग गोल्डन डकवर बाद झाला. त्यानंतर बुमराहने आपल्या पहिल्याच षटकात दोन मोठे विकेट मिळवले. चौथ्या चेंडूवर बुमराहने रूसोला क्लीन बोल्ड करत एका धावेवर माघारी धाडले तर सॅम करनला इशानकडून झेलबाद करत सामन्याला वेगळे वळण दिले. तर पुढच्याच षटकात कोएत्झीने लिव्हिंगस्टोनला झेलबाद करवत ४ टॉप फलंदाजांना पॉवरप्लेमध्ये बाद केले. त्यानंतर हरप्रीत भाटीया आणि शशांक सिंगने संघाचा डाव सावरण्याचा प्रयत्न केला. पण त्याला श्रेयस गोपालने झेलबाद केले. तर उपकर्णधार जितेश शर्माला ९ धावांमध्ये यष्टीचीत केले. पण त्यानंतर पुन्हा एकदा शशांक सिंग आणि आशुतोष शर्माच्या जोडीने कमाल केली.

मुंबईकडून बुमराहसोबतच कोएत्झीने ४ षटकांत ३२ धावा देत ३ विकेट्स घेतल्या. तर आकाश मधवाल, हार्दिक पंड्या आणि श्रेयस गोपाल यांनी प्रत्येकी १ विकेट घेतली.

शशांक आणि आशुतोषने शानदार खेळी करत मुंबई इंडियन्सवर दबाव आणला. पण बुमराहने ही जोडी तोडत शशांक सिंगला झेलबाद केले. बाद होण्यापूर्वी शशांकने २५ चेंडूत २ चौकार आणि ३ षटकारांसह ४१ धावा केल्या. मैदानात कायम असलेल्या आशुतोषने शानदार अर्धशतक झळकावले. पण तो संघाला विजय मिळवून देण्यात अपयशी ठरला. १८व्या षटकात बाद होण्यापूर्वी आशुतोषने २८ चेंडूत ७ षटकार आणि २ चौकारांची ६१ धावा केल्या. बुमराहच्या गोलंदाजीवर आशुतोषने एक दमदार षटकार लगावला, ज्याची खूप प्रशंसा केली जात आहे.

तत्पूर्वी नाणेफेक गमावल्यानंतर मुंबई इंडियन्सने प्रथम फलंदाजी करत ७ बाद १९२ धावा केल्या. सलामीला आलेला इशान किशन स्वस्तात बाद झाला पण रोहितने २५ चेंडूत ३६ धावांची शानदार खेळी केली. तर सूर्यकुमार यादवने पुन्हा एकदा आपला दमदार फॉर्म दाखवून दिला, सूर्याने ५३ चेंडूत ३ षटकार आणि ७ चौकारांच्या मदतीने ७८ धावा केल्या. रोहित आणि सूर्याने ८१ धावांची चांगली भागीदारी रचली. त्यानंतर तिलक वर्मानेही १८ चेंडूत ३४ धावांची महत्त्वपूर्ण खेळी केली. त्यानंतर टीम डेव्हिड १४ धावा करत बाद झाला. अखेरच्या षटकांमध्ये पंजाबने सामन्यात पुनरागमन करत मुंबईच्या धावांना ब्रेक लावला आणि मुंबईला २०० धावांचा टप्पा गाठू दिला नाही. पंजाबकडून हर्षल पटेलने ३ विकेट्स घेतले तर सॅम करनने २ विकेट्स आणि रबाडाला १ विकेट मिळाली आहे.