IPL फायनलनंतर ‘ती’ला प्रपोज करायचं होतं, पण धोनी माझा लव गुरु झाला अन्…; दीपक चहरने सांगितला ‘तो’ किस्सा, पाहा Video

जेव्हा धोनी बनला होता दीपक चहरसाठी लव गुरु

दीपक चहर आणि जया भारद्वाज जून २०२२ मध्ये आग्र्यात लग्नाच्या बंधनात अडकले होते. याचदरम्यान रोमॅंटिक प्रपोजलची कल्पना एम एस धोनीनं चहरला दिली होती. त्यानंतर त्याने चेन्नई सुपर किंग्जच्या आयपीएल २०२१ च्या प्ले ऑफच्या सामन्यात जयाला प्रपोज केलं होतं. त्यावेळी चहर जबरदस्त फॉर्ममध्ये होता आणि सीएसके फायनलमध्ये पोहोचली होती.

नक्की वाचा – IPL 2023 : विमानात CSK च्या खेळाडूंनी केली धमाल, गुपचूप Video काढणाऱ्याला धोनीनं दिली भन्नाट रिअ‍ॅक्शन 

दीपकने ब्रेकफास्ट विथ चॅम्पियन्सच्या एका लेटेस्ट एपिसोडमध्ये गौरव कपूरसोबत संवाद साधताना म्हटलं की, “मी आयपीएल २०२१ च्या फायनलच्या दरम्यान जयाला प्रपोज करणार होतो, कारण तो एक जबरदस्त क्षण होता. पण एम एस धोनीनं मला सल्ला दिला की, मी याबाबत जास्त विचार करू नये आणि फक्त प्रपोज कर. कारण यामुळे माझं लक्ष आयपीएल २०२१ च्या प्ले ऑफ सामन्यामध्ये विचलित झालं असतं. ज्यामुळे संघावर परिणाम झाला असता, असं धोनीचं म्हणण होतं. माही भाईने मला सांगितलं की, क्वालिफायर सामन्याआधी जयाला प्रपोज कर, कारण मला प्ले ऑफच्या सामन्यात लक्ष केंद्रीत करता येईल आणि ७ तारीख आमच्या दोघांचीही फेव्हरेट आहे.”