MS Dhoni’s record of three consecutive sixes : आयपीएल २०२४ मधील २९वा सामना मुंबई इंडियन्स आणि चेन्नई सुपर किंग्ज यांच्यात खेळला जात आहे. या सामन्यात महेंद्रसिंग धोनीने आपल्या फलंदाजीने प्रेक्षकांचे भरपूर मनोरंजन केले. धोनीने मुंबई इंडियन्सचा कर्णधार हार्दिक पंड्याची शेवटच्या षटकात ज्या प्रकारे धुलाई केली, त्याचा आनंद सीएसकेच्या चाहत्यांनी वानखेडेवर घेतला. या सामन्यात धोनीला फलंदाजी करताना फक्त ४ चेंडू खेळायला मिळाले. ज्यावर धोनीने ५०० च्या स्ट्राईक रेटने २० धावा केल्या.

धोनीच्या नावावर एका विशेष विक्रमाची झाली नोंद –

चेन्नई सुपर किंग्जच्या डावातील शेवटच्या षटकात धोनी फलंदाजीला आला. डॅरिल मिशेलची विकेट पडताच धोनी फलंदाजीसाठी मैदानात पोहोचला. धोनीने येताच पहिल्याच चेंडूपासून आपली जादू दाखवायला सुरुवात केली. धोनीने हार्दिकला लागोपाठ तीन षटकार ठोकले. यासह आयपीएलमध्ये धोनीच्या नावावर एक खास विक्रम नोंदवला गेला. आयपीएलमध्ये पहिल्या तीन चेंडूंवर सलग तीन षटकार मारणारा धोनी पहिला भारतीय फलंदाज ठरला आहे.

Yash Dayal's video call to his mother after the win
IPL 2024 : ‘आता तुला कसं वाटतयं आई?’, आरसीबीला विजय मिळवून दिल्यानंतर यश दयाल व्हिडीओ कॉलवर भावूक
MS Dhoni hitting that six outside ground was best thing to happen
“धोनीचा ‘तो’ षटकार आमच्या पथ्यावर पडला, ज्यामुळे प्लेऑप्समध्ये पोहोचू शकलो…”; आरसीबीच्या दिनेश कार्तिकचे वक्तव्य
How Yash dayal comeback after Rinku singh 5 sxies and becomes the hero of rcb win
RCB vs CSK: रिंकूसमोर खलनायक ठरलेला यश दयाल धोनीला मात्र पडला भारी, पाहा २० व्या षटकातील थरार
Parbhani collage going boy earn 60 thousand in month by selling pizza
परभणीचा पठ्ठ्या वयाच्या १७व्या वर्षी महिन्याला कमावतोय ६० हजार; असं करतो तरी काय? VIDEO पाहून व्हाल अवाक्
Virat Kohli becomes 1st cricketer to play 250 matches for Royal Challengers Bengaluru
RCB vs DC : विराट कोहलीने रचला इतिहास! आतापर्यंत IPL मध्ये कोणत्याच खेळाडूला न जमलेला केला पराक्रम
Harshit Rana Stops Himself from Flying kiss Celebration After Abhishek Porel Wicket
IPL 2024: याला म्हणतात भीती! विकेटचं सेलिब्रेशन करता करता थांबला हर्षित राणा, VIDEO मध्ये पाहा नेमकं घडलं?
Virat Kohli 1st Indian player to reach 500 runs for 7th time in IPL history
GT vs RCB : विराट कोहलीने रचला इतिहास, IPL मध्ये ‘हा’ पराक्रम करणारा ठरला पहिला भारतीय खेळाडू
RCB historical run chase with spare more balls in IPL History
IPL 2024: आरसीबीने गुजरातविरुद्ध रचला इतिहास, आयपीएलच्या इतिहासात हा पराक्रम करणारा ठरला पहिला संघ

धोनीने वयाच्या ४२ व्या वर्षी ही कामगिरी केली आहे. रोहित शर्मा आणि विराट कोहलीसारखे स्टार फलंदाजही आयपीएलमध्ये आजपर्यंत अशी कामगिरी करू शकलेले नाहीत. त्याचबरोबर एमएस धोनीने आयपीएलमध्ये सीएसकेसाठी ५००० धावा पूर्ण केल्या आहेत. तो चेन्नई सुपर किंग्जसाठी ५००० धावा पूर्ण करणारा दुसरा खेळाडू ठरल आहे. याआधी सुरेश रैनाने सीएसकेसाठी हा पराक्रम केला आहे. तसेच एमएस धोनी टी-२० फॉरमॅटमध्ये संघासाठी २५० किंवा त्याहून अधिक सामने खेळणारा दुसरा खेळाडू ठरला आहे. त्याच्या आधी, विराट कोहली या यादीत अव्वल स्थानावर आहे, ज्याने रॉयल चॅलेंजर्स बंगळुरूकडून २५८ टी-२० सामने खेळले आहेत.

हेही वाचा – VIDEO : पंजाब किंग्जचा विजय प्रीती झिंटाला पडला होता महागात, संघासाठी बनवावे लागले होते १२० आलू पराठे

प्रथम फलंदाजी सीएसकेने मुंबई इंडियन्सविरुद्ध २० षटकात ४ गडी गमावून २०६ धावा केल्या. या सामन्यात ऋतुराज गायकवाड आणि शिवम दुबे यांनी अर्धशतके झळकावली. चेन्नईची सुरुवात चांगली झाली नाही. सलामीला फलंदाजीला आलेला अजिंक्य रहाणे केवळ पाच धावा करून पॅव्हेलियनमध्ये परतला. त्याचवेळी रचिन रवींद्रलाही २१ धावा करता आल्या. यानंतर दुबे आणि गायकवाड यांच्यात तिसऱ्या विकेटसाठी ९० धावांची भागीदारी झाली, जी हार्दिक पांड्याने मोडली. या सामन्यात ऋतुराजने ४० चेंडूंचा सामना करत ६९ धावा केल्या. यादरम्यान त्याच्या बॅटमधून पाच चौकार आणि पाच षटकार आले. मुंबईकडून हार्दिक पंड्याने दोन तर गेराल्ड आणि गोपालने प्रत्येकी एक विकेट घेतली.