Rajsthan Royals vs Royal Challengers Banglore IPL Match Updates : आयपीएलच्या १६ व्या हंगामातील ६० वा सामना जयपूरच्या सवाई मानसिंग स्टेडियममध्ये राजस्थान रॉयल्स आणि रॉयल चॅलेंजर्स बंगळुरु यांच्यात होत आहे. आरसीबीने नाणेफेक जिंकून प्रथम फलंदाजी करण्याचा निर्णय घेतला. त्यानंतर मैदानात उतरलेल्या आरसीबीच्या फलंदाजांनी धमाका केला. विराट कोहली आणि फाफ डुप्लेसिसनने सावध खेळी करून आरसीबीला चांगली सुरुवात करून दिली. मात्र, विराट कोहली बाद झाल्यानंतर कर्णधार फाफ डु प्लेसिस आणि ग्लेन मॅक्सवेलने अर्धशतकी खेळी केली. तसंच अनुज रावतने आक्रमक फलंदाजी करून ११ चेंडूत २९ धावांची नाबाद खेळी केली. त्यामुळे आरसीबीने २० षटकात ५ विकेट गमावत १७१ धावांपर्यंत मजल मारली. राजस्थान रॉयल्सला विजयासाठी १७२ धावांचं लक्ष्य गाठावं लागणार आहे.
परंतु, आसिफच्या गोलंदाजीवर विराट कोहली १८ धावांवर झेलबाद झाला. त्यानंतर मात्र ग्लेन मॅक्सवेल आणि डुप्लेसिसने धडाकेबाज फलंदाजी केली. फाफने ४४ चेंडूत दोन चौकार आणि तीन षटकारांच्या मदतीनं ५५ धावांची अर्धशतकी खेळी केली. फाफ बाद झाल्यानंतर ग्लेन मॅक्सवेलनेही धडाकेबाज फलंदाजी करून अर्धशतक ठोकलं. अनुज रावत ११ चेंडूत २९ धावांवर नाबाद राहिला. तर ब्रेसवेल ९ धावा करत नाबाद राहिला.
राजस्थानसाठी केएम आसिफने भेदक गोलंदाजी करून दोन विकेट्स घेतल्या. आसिफने विराट कोहली आणि फाफ डुप्लेसिसला पॅव्हेलियनचा रस्ता दाखवला. तसंच अॅडम झॅम्पानेही फिरकीची जादू दाखवत दोन विकेट्स घेण्याची कमाल केली. झॅम्पाने माहिपाल लोमरोर आणि दिनेश कार्तिकला स्वस्तात माघारी पाठवलं. त्यानंतर संदीप शर्माने सेट फलंदाज ग्लेन मॅक्सवेलला ५४ धावांवर क्लीन बोल्ड केलं.
