Rajasthan Royals vs Gujarat Titans Updates: आयपीएलच्या ४८व्या सामन्यात राजस्थान रॉयल्सचा सामना गुजरात टायटन्सशी होत आहे. दोन्ही संघांमधील हा सामना जयपूरच्या सवाई मानसिंग स्टेडियमवर खेळला जात असून गुजरातच्या अफगाणी जोडी राशिद-नूरच्या फिरकी जोडीसमोर राजस्थानच्या फलंदाज अक्षरशः ढेपाळले. विजयासाठी केवळ ११९ धावांचे आव्हान ठेवले आहे. राजस्थानच्या फलंदाजांनी गुजरातच्या गोलंदाजांपुढे नांगी टाकत १७.५ षटकांत ११८ धावांत गारद झाला. गुजरात टायटन्सने राजस्थान रॉयल्सचा डाव १७.५ षटकांत ११८ धावांत गुंडाळला. गुजरातला ११९ धावांचे सोपे लक्ष्य मिळाले आहे. गुजरातच्या गोलंदाजांची चमकदार कामगिरी. राशिद खानने तीन आणि नूर अहमदने दोन गडी बाद केले. मोहम्मद शमी, हार्दिक पांड्या आणि जोशुवा लिटल यांना प्रत्येकी एक यश मिळाले. जयपूरमध्ये राजस्थानची ही सर्वात कमी धावसंख्या आहे. राजस्थानकडून संजू सॅमसनने सर्वाधिक ३० धावा केल्या. ट्रेंट बोल्टने १५, यशस्वी जैस्वालने १४ आणि देवदत्त पडिक्कलने १२ धावा केल्या. या चार फलंदाजांशिवाय दुहेरी आकडा कुणालाही स्पर्श करता आला नाही. त्यानंतर, राजस्थानने वारंवार अंतराने विकेट गमावल्या आणि परिणामी, संघ संपूर्ण षटक देखील खेळू शकला नाही https://twitter.com/gujarat_titans/status/1654512493828485121?t=FyoRxrBX-uhXEPSaHVhLxQ&s=08 गुणतालिकेत गुजरात टायटन्सचा संघ अव्वल, तर राजस्थानचा संघ चौथ्या क्रमांकावर आहे. शेवटच्या सामन्याबद्दल बोलायचे झाल्यास, राजस्थानचा मुंबईविरुद्ध दारूण पराभव झाला, तर गुजरात टायटन्सचा दिल्लीकडून पराभव झाला. अशा स्थितीत दोन्ही संघांना विजयी मार्गावर परतायचे आहे.गुजरात टायटन्सची गोलंदाजी आतापर्यंत मजबूत आहे. मोहम्मद शमीने प्रत्येक सामन्यात संघाच्या पॉवरप्लेमध्ये विकेट्स घेतल्या आहेत, तर राशिद खान आणि नूर अहमद ही जोडी मधल्या षटकांमध्ये आश्चर्यकारक कामगिरी करत आहे. त्याचवेळी राजस्थानचा युवा फलंदाज यशस्वी जैस्वालही जबरदस्त फॉर्मात आहे. गेल्या काही सामन्यांसाठी जॉस बटलर आणि संजू सॅमसन यांची अनुपस्थिती ही संघासाठी चिंतेची बाब आहे. हेही वाचा: Sachin Tendulkar: बॅटऐवजी हातात फुंकणी, चुलीवर मडकं! मास्टर ब्लास्टर नक्की शिजवतोय काय? तुम्हीही पाहून व्हाल आश्चर्यचकित… ही आहे दोन्ही संघांची प्लेइंग-११ गुजरात टायटन्स: ऋद्धिमान साहा (विकेटकीपर), हार्दिक पांड्या (कर्णधार), विजय शंकर, डेव्हिड मिलर, अभिनव मनोहर, राहुल तेवतिया, रशीद खान, मोहित शर्मा, नूर अहमद, मोहम्मद शमी, जोशुआ लिटल. राजस्थान रॉयल्स: यशस्वी जैस्वाल, जॉस बटलर, संजू सॅमसन (कर्णधार/विकेटकीपर), देवदत्त पडिक्कल, शिमरॉन हेटमायर, ध्रुव जुरेल, रविचंद्रन अश्विन, ट्रेंट बोल्ट, अ‍ॅडम झम्पा, संदीप शर्मा, युजवेंद्र चहल.
