VIDEO: विराटचा हात पकडण्यास अनुष्काचा नकार, कारमधून उतरून थेट गेली निघून; विरूष्कामध्ये अवनीत कौर घटनेमुळे बिनसलं?

अवनीत कौरच्या फोटोला लाईक केल्यानंतर जेव्हा हे प्रकरण वाऱ्यासारखे पसरले तेव्हा विराटला स्पष्टीकरण द्यावे लागले. त्याच्या स्पष्टीकरणात, त्याने म्हटले होते की अवनीतचा फोटो लाईक करण्याचा त्याचा कोणताही हेतू नव्हता. मोबाईल फीड क्लियर करताना, अल्गोरिथमने चुकून इंटरअअॅक्शन रजिस्टर केलं असेल. विराटच्या त्या एका लाईकमुळे अवनीत कौर रातोरात लोकप्रिय झाली. पण सध्या त्याच्यात आणि अनुष्कामध्ये सर्व काही ठीक नाहीये असे दिसतंय. हे या व्हीडिओवरून समोर आल्याचं चाहते म्हणत आहेत.

विराट कोहली आणि अनुष्का शर्माचा एक व्हिडिओ सोशल मीडियावर व्हायरल होत आहे, ज्यामध्ये अनुष्का गाडीतून उतरत आहे. ती गाडीतून उतरत असताना, विराट तिचा हात धरण्यासाठी हात पुढे करून समोर उभा आहे. पण व्हिडिओमध्ये असं दिसून येतं की जेव्हा अनुष्का गेटमधून बाहेर येते तेव्हा ती विराट किंवा त्याच्या हाताकडे पाहतही नाही. ती त्याच्याकडे दुर्लक्ष करते आणि एकटीच पुढे जाते. यामुळे आता अनुष्का विराटवर रागावली आहे का असा प्रश्न चाहते विचारत आहेत.

अवनीत कौर घटनेनंतर विराट आणि अनुष्काचे पहिल्यांदाच बाहेर दिसले होते. यामुळेच व्हिडिओमधील ही घटना अवनीत कौर प्रकरणाशी जोडली जात आहे. विराट कोहली सध्या आयपीएलमध्ये व्यस्त आहे, पण यादरम्यान तो अनुष्काबरोबर बंगळुरूच्या एमजी रोडवरील रेस्टॉरंटमध्ये डीनर डेटसाठी जाताना दिसला. आरसीबीचा पुढील सामना उद्या म्हणजेच ९ मे रोजी लखनौ संघाबरोबर आहे.