Yuzvendra Chahal IPL Auction: युझवेंद्र चहलच्या फिरकीची पंजाबला भुरळ; लिलावात प्रचंड बोली लागणारा पहिलाच भारतीय फिरकीपटू

हेही वाचा – Rishabh Pant IPL Mega Auction 2025: ऋषभ पंतसाठी लखनौची विक्रमी बोली, अय्यरला मागे टाकत काही मिनिटात ठरला सर्वात महागडा खेळा

१८ कोटींइतक्या मोठ्या किंमतीला खरेदी करण्यात आलेला युझवेंद्र चहल हा पहिला भारतीय फिरकीपटू ठरला आहे. आयपीएलचा सर्वात यशस्वी गोलंदाज युजवेंद्र चहल राजस्थानने रिलीज केल्यामुळे लिलावाचा भाग होता. चहल हा आयपीएलच्या इतिहासात सर्वाधिक विकेट घेणारा गोलंदाज आहे. त्याने १६० आयपीएल सामन्यात २०८ विकेट घेतल्या आहेत. या लीगमध्ये २०० हून अधिक विकेट्स घेण्याचा मोठा पराक्रम करणारा तो एकमेव गोलंदाज आहे. चहल आतापर्यंत आयपीएलमध्ये तीन फ्रँचायझींकडून खेळला आहे. यामध्ये मुंबई इंडियन्स (MI), रॉयल चॅलेंजर्स बंगळुरू (RCB) आणि राजस्थान रॉयल्स (RR) यांचा समावेश आहे.

हेही वाचा – Shreyas Iyer IPL 2025 Auction: २६.७५ कोटी! श्रेयस अय्यर ठरला आयपीएल इतिहासातील दुसरा सर्वात महागडा खेळाडू, पंजाब किंग्सने लावली तगडी बोली

युझवेंद्र चहलने २०१३ मध्ये आयपीएलमधील सर्वात यशस्वी संघ मुंबई इंडियन्सकडून आयपीएलमध्ये पदार्पण केले. पुढच्याच मोसमात तो रॉयल चॅलेंजर्स बंगळुरू म्हणजेच आरसीबीमध्ये सामील झाला. तो २०१४ ते २०२१ पर्यंत आरसीबीमध्ये राहिला आणि त्याने भरपूर विकेट घेतल्या पण एकदाही त्याला विजेतेपद मिळवता आले नाही. यानंतर तो आयपीएल २०२२ मध्ये राजस्थान रॉयल्समध्ये सामील झाला, जिथे तो २०२४ पर्यंत कायम होता. पण आता चहलचा पंजाब किंग्सबरोबर नवा प्रवास सुरू होणार आहे.