IND vs IRE: ‘नाद करा पण बुमराहचा कुठं…!’ पहिल्याच टी-२० सामन्यात ‘हा’ कारनामा करणारा ठरला पहिलाच भारतीय कर्णधार

टीम इंडियाचा वेगवान गोलंदाज जसप्रीत बुमराहचे आंतरराष्ट्रीय क्रिकेटमध्ये पुनरागमन शानदार होते. बुमराहने शुक्रवारी आयर्लंडविरुद्धच्या पहिल्या टी-२० सामन्यात ११ महिन्यांनंतर आंतरराष्ट्रीय सामना खेळला. या सामन्यात उत्कृष्ट गोलंदाजीसोबतच त्याने उत्तम कर्णधारपदही बजावले. बुमराहने २ विकेट्स घेत या सामन्याचा सामनावीर ठरला. यासह त्याने एक मोठा विक्रम आपल्या नावावर केला आहे.

बुमराहच्या नावावर हा खास विक्रम नोंदवला गेला –

वास्तविक, जसप्रीत बुमराह हा कर्णधार म्हणून पदार्पणात टी-२० मध्ये सामनावीर ठरणारा पहिला भारतीय खेळाडू ठरला. याआधी भारतीय टी-२० संघाचे १० कर्णधार आहेत. या सर्वांनी कर्णधारपदाचा पदार्पण सामना जिंकला आहे, परंतु कोणीही सामनावीर ठरला नाही. बुमराहने या आयर्लंडविरुद्धच्या सामन्यात ४ षटके टाकली, २४ धावांत २ बळी घेतले. बुमराहने सामन्याच्या पहिल्याच षटकात या दोन विकेट घेतल्या.

हेही वाचा – “भावा, तुझा अभिमान आहे…”; विराटची आंतरराष्ट्रीय क्रिकेटमध्ये १५ वर्षे पूर्ण झाल्याबद्दल मोठा भाऊ विकास कोहलीची भावनिक पोस्ट

जसप्रीत बुमराह ठरला भारताचा ११ वा टी-२० कर्णधार –

याआधीही बुमराहने एका कसोटी सामन्याचे नेतृत्व केले होते, पण त्यात भारताचा पराभव झाला होता. कसोटीचे कर्णधारपद दिल्यानंतर निवडकर्त्यांनी बुमराहला भारतीय टी-२० संघाचा ११वा कर्णधार बनवले. बुमराहपूर्वी ७ विशेषज्ञ फलंदाज, दोन यष्टिरक्षक आणि एक अष्टपैलू टी-२० फॉर्मेटमध्ये भारतीय संघाचा कर्णधार बनला आहे.

जसप्रीत बुमराह भारताच्या टी-२० संघाचा कर्णधार होणार पहिला गोलंदाज –

जसप्रीत बुमराहपूर्वी भारतीय टी-२० संघाचे कर्णधारपद वीरेंद्र सेहवाग, एमएस धोनी, सुरेश रैना, अजिंक्य रहाणे, विराट कोहली, रोहित शर्मा, शिखर धवन, ऋषभ पंत, हार्दिक पांड्या आणि केएल राहुल यांना देण्यात आले होते. आता टी-२० कर्णधारपदाच्या पदार्पणातील या खेळाडूंच्या कामगिरीबद्दल बोलायचे, तर केएल राहुलने एकाच सामन्यात कर्णधारपद भूषवले होते, ज्यामध्ये त्याने ६२ धावांची खेळी केली होती.