संगकारा सर्वोत्तम क्रिकेटपटू

दुखापतीनंतर हा सामना खेळत असताना फक्त सर्वोत्तम कामगिरी करायची, हाच विचार माझ्या मनात होता. माझ्याकडून नेत्रदीपक कामगिरी झाली आणि मला दुसऱ्यांदा द्विशतकाला गवसणी घालता आली. या खेळीचा मी सर्वात जास्त आनंद लुटला. सध्याच्या घडीला क्रिकेटमध्ये लक्षणीय बदल झाले आहेत. क्रिकेटमध्ये सध्याच्या घडीला काहीही शाश्वत नाही. आयपीएलचे जेतेपद जिंकल्याचा आनंद काही औरच आहे. सर्वोत्तम सांघिक कामगिरीमुळे आम्हाला जेतेपदाला गवसणी घालता आली. सचिन तेंडुलकर आणि रिकी पॉन्टिंग यांच्या अनुभवाचा आम्हाला चांगलाच फायदा झाला.
– रोहित शर्मा</p>

क्रिकेटमध्ये आनंद शोधता येतो, त्यामुळेच मी या खेळाकडे वळू शकलो. सर्वोत्तम कामगिरीच्या जोरावर संघाला विजय मिळवून द्यायचा हेच माझे लक्ष्य असते. यामध्ये काही चुकाही होतात, पण त्या जाणूनबुजून होत नाहीत तर खेळाच्या प्रवाहामध्ये होतात. संघाला संतुलित कसे करता येईल, यावर माझा नेहमीच भर असतो. मला ट्वेन्टी-२० क्रिकेटमधून जास्त आनंद मिळतो, त्यामुळेच या क्रिकेटच्या प्रकारात माझी कामगिरी लक्षणीय ठरते.
किरॉन पोलार्ड

कर्नाटकला दुसऱ्यांदा रणजीचे जेतेपद मिळवून देऊ शकलो, याचा आनंद आहे. संघामध्ये चांगला समन्वय असून अनुभवी आणि युवा खेळाडूंचा चांगला पाठिंबा नेहमीच मला मिळतो. मुंबई इंडियन्सच्या जेतेपदाचा आनंद नक्कीच आहे. स्पर्धेत खेळताना प्रत्येकाला आपली जबाबदारी चोख माहिती होती. त्यामुळे आमचा संघ कोणत्याही एका खेळाडूवर अवलंबून नव्हता. माझ्या मते हेच आमच्या विजयाचे गमक आहे.
विनय कुमार

सीएट पुरस्कार विजेते
सर्वोत्तम क्रिकेटपटू : कुमार संगकारा
विशेष पुरस्कार : रोहित शर्मा
सर्वोत्तम फलंदाज : हशिम अमला
सर्वोत्तम गोलंदाज : रंगना हेराथ
सर्वोत्तम ट्वेन्टी-२० क्रिकेटपटू : ड्वेन ब्राव्हो
लोकप्रिय क्रिकेटपटू : किरॉन पोलार्ड
सर्वोत्तम भारतीय क्रिकेटपटू : अजिंक्य रहाणे</span>
सर्वोत्तम स्थानिक क्रिकेटपटू : विनय कुमार
सर्वोत्तम युवा क्रिकेटपटू : दीपक हुडा