IND vs WI: वेस्ट इंडीजविरुद्धच्या वन डे मालिकेआधी टीम इंडियाला मोठा धक्का! मोहम्मद सिराज भारतात परतला, जाणून घ्या

ईएसपीएनक्रिकइन्फोच्या वृत्तानुसार, मोहम्मद सिराज कसोटी संघाचा भाग असलेल्या आर. अश्विन, के.एस. भरत, अजिंक्य रहाणे आणि नवदीप सैनी यांच्यासह मायदेशी परतला आहे. त्यांच्यावरील वर्कलोड मॅनेजमेंटमुळे हा निर्णय घेण्यात आला आहे. वेस्ट इंडिज दौऱ्यावर भारताला ५ सामन्यांची टी२० मालिकाही खेळायची आहे, परंतु सिराज टी२० संघाचा भाग नाही. मात्र, मोहम्मद सिराजच्या जागी बीसीसीआयने अद्याप घोषणा केलेली नाही.

हेही वाचा: IND vs WI 1st ODI: संजू सॅमसन की सूर्यकुमार? वेस्ट इंडीजविरुद्ध प्लेईंग ११ निवडण्याचे रोहित शर्मासमोर असेल आव्हान, जाणून घ्या

वेस्ट इंडिजविरुद्धच्या वन डे मालिकेसाठी भारताच्या ताफ्यात आता उमरान मलिक, हार्दिक पांड्या, जयदेव उनाडकट, मुकेश कुमार आणि शार्दुल ठाकूर हे वेगवान गोलंदाज आहेत. सिराजच्या अनुपस्थितीत ते टीम इंडियाची धुरा सांभाळतील. वेस्ट इंडिज दौऱ्यानंतर भारताला आयर्लंडविरुद्ध तीन सामन्यांची टी२० मालिका खेळायची आहे. सिराज या मालिकेतही खेळणार नाही. मात्र यानंतर तो सलग तीन महिने अ‍ॅक्शनमध्ये दिसणार आहे. आशिया कप २०२३ ऑगस्टच्या अखेरीस सुरू होईल, त्यानंतर भारत ऑस्ट्रेलियाविरुद्ध तीन सामन्यांची वन डे मालिका खेळेल. त्याचबरोबर भारत ऑक्टोबर-नोव्हेंबरमध्ये विश्वचषक खेळणार आहे. या सर्व मालिकांमध्ये तो खेळताना दिसणार आहे.

हेही वाचा: Asian Games 2023: फुटबॉल चाहत्यांसाठी खुशखबर! आशियाई क्रीडा स्पर्धेत सहभागी होण्यासाठी क्रीडा मंत्रालयाचा हिरवा झेंडा

मोहम्मद सिराजने पोर्ट-ऑफ-स्पेन येथे सपाट खेळपट्टीवर पहिल्या डावात पाच विकेट्स घेतल्या. त्याने दोन कसोटी सामन्यांमध्ये मिळून एकूण सात विकेट्स घेतल्या. या दौऱ्यापूर्वी, तो ओव्हल येथे ऑस्ट्रेलियाविरुद्धच्या वर्ल्ड टेस्ट चॅम्पियनशिपच्या अंतिम सामन्याचा भाग होता, ज्यामध्ये त्याने पहिल्या डावात चार आणि दुसऱ्या डावात पाच विकेट्स घेत महत्त्वपूर्ण भूमिका निभावली होती. आयपीएलमध्ये त्याने रॉयल चॅलेंजर्स बंगळुरूकडून खेळताना शानदार कामगिरी केली होती. त्याने आयपीएल २०२३मध्ये १४ सामन्यांमध्ये तब्बल १९ विकेट्स घेतल्या. तो आरसीबीच्या संघाकडून सर्वाधिक विकेट्स घेणारा त्या हंगामातील खेळाडू ठरला.