हाच खरा धोनीचा जबरा फॅन! CSK जिंकताच पठ्ठ्यानं दरवाजा तोडला अन्…; आजूबाजूची माणसं बघतच राहिली, Video तुफान व्हायरल

हॉस्टेलमध्ये राहणाऱ्या एका मुलानं सीएसके जिंकल्याच्या आनंदात रुममध्येच धुगडूस घातला. आनंदाच्या भरात त्याने दरवाजा तोडला आणि सर्वत्र जल्लोष केला. त्या चाहत्याचा आनंदाला पारावर न उरल्याने सर्वांच्याच भुवया उंचावल्या होत्या. या पठ्ठ्याचा व्हिडीओ सोशल मीडियावर तुफान व्हायरल झाला असून चाहत्यांनी भन्नाट प्रतिक्रियांचा वर्षाव केला आहे. आयपीएलच्या फायनलबाबत बोलायचं झालं तर, चेन्नईने हा सामना जिंकून आयपीएलच्या इतिहासात पाचव्यांदा चॅम्पियन झाल्याची नोंद केली आहे.

नक्की वाचा – अखेर सत्य आलं समोर! शेवटचे दोन चेंडू राहिले असताना हार्दिक पांड्याने मोहित शर्माला काय सांगितलं? गोलंदाजाने केला मोठा खुलासा

इथे पाहा व्हिडीओ

मुंबई इंडियन्सनंतर पाचवेळा आयपीएलचा किताब जिंकण्यात चेन्नईच्या संघाला यश आलं आहे. हा सामना श्वास रोखून धरणारा होता,त्यामुळे संपूर्ण क्रिडाविश्वात हा सामना अविस्मरणीय ठरला, असं म्हटलं तर वावगं ठरणार नाही. चेन्नईला शेवटच्या षटकात विजयासाठी १३ धावांची आवश्यकता होती. मोहित शर्माने पहिले चार चेंडू अचूक टप्प्यावर फेकल्याने फलंदाजांची तारंबळ उडाली. परंतु, जडेजाने शेवटच्या दोन चेंडुवर चौकार-षटकार ठोकून चेन्नईला सामना जिंकवून दिला. सामना संपल्यानंतर धोनीनं सर्व चाहत्यांचे आभार मानत मैदानात फेरफटका मारला.