नदालची विम्बल्डन आणि ऑलिम्पिक स्पध्रेतून माघार

फ्रेंच स्पध्रेनंतर दोन आठवडय़ांत विम्बल्डनसाठी सज्ज होणे माझ्यासाठी सोपे नाही,’’ असे नदालने सांगितले.

Nadal
राफेल नदाल

माद्रिद : तंदुरुस्तीच्या कारणास्तव राफेल नदालने आगामी विम्बल्डन खुली टेनिस स्पर्धा आणि टोक्यो ऑलिम्पिक क्रीडा स्पध्रेतून माघार घेतली आहे. नदालने फ्रेंच स्पध्रेच्या उपांत्य फेरीपर्यंत मजल मारली होती. परंतु नोव्हाक जोकोव्हिचविरुद्ध पराभवामुळे त्याचे आव्हान संपुष्टात आले. नदालने दोनदा विम्बल्डन जेतेपद पटकावले आहे. याचप्रमाणे २००८च्या बीजिंग ऑलिम्पिकमध्ये सुवर्णपदक जिंकले होते. ‘‘कारकीर्दीत दीर्घकाळ आनंदाने खेळत राहण्याचे लक्ष्य साध्य करण्यासाठी मी हा निर्णय घेतला आहे. फ्रेंच स्पध्रेनंतर दोन आठवडय़ांत विम्बल्डनसाठी सज्ज होणे माझ्यासाठी सोपे नाही,’’ असे नदालने सांगितले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Nadal withdraws from wimbledon and olympics zws