Nathan Lyon complete 1500 runs in Test Cricket : ऑस्ट्रेलियन संघाने पहिल्या कसोटी सामन्यात न्यूझीलंडचा १७२ धावांनी शानदार पराभव केला. या सामन्यात फिरकीपटू नॅथन लायनने ऑस्ट्रेलियन संघासाठी चमकदार कामगिरी केली. त्याने गोलंदाजीमध्ये उत्कृष्ट कामगिरी करताना फलंदाजीतही योगदान दिले. दोन कसोटी सामन्यांच्या मालिकेत या विजयासह ऑस्ट्रेलियाने १-० अशी आघाडी घेतली आहे. फिरकीपटू नॅथन लायनने आपल्या धमाकेदार कामगिरीने अनेक मोठे विक्रम आपल्या नावावर केले आहेत.

हा पराक्रम करणारा नॅथन लायन पहिला खेळाडू –

न्यूझीलंडविरुद्धच्या कसोटी सामन्याच्या पहिल्या डावात नॅथन लायन केवळ ५ धावांवर बाद झाला, तर दुसऱ्या डावात त्याने ४१ धावांची शानदार खेळी केली. या सामन्यात एकूण ४६ धावा करत त्याने कसोटी क्रिकेटमधील १५०० धावा पूर्ण केल्या आहेत. नॅथन लायन आता एकही अर्धशतक न झळकावता १५०० धावा पूर्ण करणारा जगातील पहिला क्रिकेटपटू ठरला आहे. कसोटी सामन्याच्या कोणत्याही डावात त्याने केलेली सर्वोच्च धावसंख्या ४७ आहे, जी त्याने २०१८ मध्ये दक्षिण आफ्रिकेविरुद्ध केली होती. नॅथन लायनने आजपर्यंत १२८ कसोटी सामने खेळले आहेत, ज्यामध्ये त्याने १६२ डावात फलंदाजी करताना १५०१ धावा केल्या आहेत. त्याचबरोबर त्याच्या नावावर ५२७ विकेट्स आहेत.

IPL 2024 Mumbai Indians vs Royal Challengers Bangalore Match Updates in Marathi
IPL 2024: जसप्रीत बुमराहने ५ विकेट्स घेत रचला इतिहास, आयपीएलच्या १७ वर्षांत ही कामगिरी करणारा ठरला पहिला गोलंदाज
Abhishek Sharma Breaks Chris Gayle and Sunil Narine's Record in SRH vs CSK Match
SRH vs CSK : अभिषेकने वादळी खेळीच्या जोरावर मोडला गेल-नरेनचा विक्रम, IPL मध्ये ‘हा’ पराक्रम करणारा ठरला पहिला फलंदाज
Sunil Narine's 500th T20 Match
RCB vs KKR : सुनील नरेनने आरसीबीविरुद्ध रचला इतिहास, टी-२०मध्ये ‘हा’ पराक्रम करणारा ठरला जगातील चौथा खेळाडू
Rishabh becomes first player to play 100th match for Delhi
IPL 2024 : ऋषभ पंतने झळकावले अनोखे ‘शतक’, दिल्ली कॅपिटल्ससाठी ‘हा’ पराक्रम करणारा ठरला पहिला खेळाडू

नॅथन लायनने केली उत्कृष्ट गोलंदाजी –

नॅथन लायनने न्यूझीलंडविरुद्धच्या कसोटी सामन्याच्या पहिल्या डावात चार तर दुसऱ्या डावात सहा विकेट्स घेतल्या. दुसऱ्या डावात त्याने २७ षटकांत ६५ धावा देत ६ विकेट्ल घेतल्या. त्याच्यामुळेच न्यूझीलंडचा संघ दुसऱ्या डावात १९६ धावांत सर्वबाद झाला आणि सामना गमावला. न्यूझीलंडच्या भूमीवर कोणत्याही संघाविरुद्ध कसोटी सामन्यात १० विकेट्ल घेणारा नॅथन लायन हा १० वा फिरकी गोलंदाज ठरला आहे.

हेही वाचा – Yuzvendra Chahal : ‘झलक दिखला जा’च्या सेटवर संगीता आणि चहलमध्ये रंगला ‘WWE’ सामना, VIDEO होतोय व्हायरल

१८ वर्षांनंतर केला मोठा पराक्रम –

२००६ नंतर पहिल्यांदाच असे घडले आहे. जेव्हा एका फिरकी गोलंदाजाने न्यूझीलंडच्या भूमीवर कसोटी सामन्यात १० विकेट घेतल्या आहेत. २००६ मध्ये श्रीलंका आणि न्यूझीलंड यांच्यात सामना झाला होता. त्या सामन्यात डॅनियल व्हिटोरी आणि मुथय्या मुरलीधरन यांनी प्रत्येकी १० विकेट्स घेतल्या होत्या. आता १८ वर्षांनंतर नॅथन लायनने न्यूझीलंडच्या भूमीवर कसोटी सामन्यात १० विकेट्स घेतल्या आहेत.

या बाबतीत दुसऱ्या क्रमांकावर पोहोचला –

कसोटी सामन्यांच्या चौथ्या डावात सर्वाधिक विकेट्स घेण्याच्या बाबतीत नॅथन लायन दुसऱ्या क्रमांकावर पोहोचला आहे. त्याने रंगना हेराथला मागे टाकले आहे. लायनने कसोटी सामन्यांच्या चौथ्या डावात ११९ विकेट्स घेतल्या आहेत. तर हेराथने ११५ विकेट घेतल्या आहेत. कसोटी सामन्याच्या चौथ्या डावात सर्वाधिक विकेट्स घेण्याच्या बाबतीत शेन वॉर्न पहिल्या क्रमांकावर आहे. त्याने १३८ कसोटी विकेट्स घेतल्या आहेत.

हेही वाचा – WTC : भारताने डब्ल्यूटीसीच्या गुणतालिकेत पटकावले अव्वल स्थान, ऑस्ट्रेलियाच्या विजयाचा झाला मोठा फायदा

कसोटी सामन्याच्या चौथ्या डावात सर्वाधिक विकेट्स घेणारे गोलंदाज:

शेन वॉर्न – १३८ विकेट्स
नॅथन लायन – ११९ विकेट्स
रंगना हेराथ- ११५ विकेट्स
मुथय्या मुरलीधरन- १०६ विकेट्स
ग्लेन मॅकग्रा- १०३ विकेट्स