पाकिस्तान क्रिकेट बोर्ड BCCI ला मोठा धक्का देण्याच्या तयारीत; आता…

“महिलांसाठी पीएसएल सुरू करण्याचा आमचा विचार आहे. आशियात महिला टी २० साठी फ्रेंचाइसी लीग सुरु करणारं पहिलं क्रिकेट बोर्ड बनू शकतो. तर अंडर-१९ पीएसएल सुरू करण्याची तयारी आहे. यात इंग्लंडचे खेळाडूही सहभागी होतील. ही सुद्धा पहिलीच स्पर्धा असेल. यावेळेस ऑस्ट्रेलिया महिलांसाठी बिग बॅश लीग आयोजित करत आहे. तर इंग्लंडने पुरुषांसोबत महिलांसाठी द हंड्रेड स्पर्धेचं आयोजन केलं होतं”, असं पाकिस्तान क्रिकेट बोर्डाचे अध्यक्ष रमीझ राजा यांनी सांगितलं.

दुसरीकडे, बीसीसीआय महिलांसाठी आयपीएल सुरु करण्यासाठी तयारी करत आहे. यात ४ ते ५ संघांना संधी दिली जाण्याची शक्यता आहे. यापूर्वी बीसीसीआयने २०१८ मध्ये टी २० चॅलेंज सुरु केली होती. पहिल्या पर्वात फक्त एक सामना झाला. २०१९ आणि २०२० मध्ये तीन संघात ४ सामने झाले. २०२० मध्ये भारतासह दक्षिण आफ्रिका, इंग्लंड, बांगलादेश, श्रीलंका, वेस्ट इंडिज आणि थायलंडचे खेळाडू खेळले होते.