Rishabh Pant Litton Das Heated Argument In IND vs BAN 1st Test Said Mujhe Kyu Maar Rahe Ho Video Viral

Rishabh Pant Litton Das Banter Video: भारत आणि बांगलादेश यांच्यात चेन्नई येथे सुरू असलेल्या पहिल्या कसोटी सामन्यादरम्यान मैदानात गोंधळ पाहायला मिळाला. ऋषभ पंत आणि बांगलादेशचा यष्टिरक्षक फलंदाज लिटन दास मैदानावर एकमेकांशी भिडले.

ऋषभ पंतनं बांगलादेशच्या लिटन दासला भरला दम (फोटो-एक्स)

India national cricket team vs Bangladesh national cricket team match scorecard : भारत आणि बांगलादेश यांच्यात पहिला कसोटी सामना खेळवला जात आहे. चेन्नई येथे सुरू असलेल्या सामन्यात भारत नाणेफेक गमावून प्रथम फलंदाजीला उतरला पण संघाची सुरूवात फारच खराब झाली. ऋषभ पंत आणि यशस्वीच्या जोडीने भारताचा डाव पुढे नेला आहे. पण पहिल्या सत्रात मोठा गोंधळ पाहायला मिळाला. ऋषभ पंत आणि बांगलादेशचा यष्टिरक्षक फलंदाज लिटन दास मैदानातचं एकमेकांशी भिडले. टीम इंडियाच्या फलंदाजीदरम्यान ऋषभ पंत क्रीजवर होता, तेव्हा त्याच्या आणि बांगलादेशचा यष्टीरक्षक फलंदाज लिटन दास यांच्यात एका मुद्द्यावरून जोरदार वाद झाला.

ऋषभ पंतने तब्बल दोन वर्षांनंतर कसोटी क्रिकेटमध्ये पुनरागमन केले आहे. पण ऋषभ पंत आपल्या नेहमीच्या आणि जुन्या अंदाजात फटकेबाजी करताना दिसत आहे. हसन महमूदच्या शानदार गोलंदाजीमुळे भारताने पहिल्या तासातच तीन विकेट गमावल्या. रोहित शर्मा, शुभमन गिल आणि विराट कोहली स्वस्तात बाद झाले, यानंतर ऋषभ पंत मैदानावर फलंदाजीला आला आणि त्याने आपल्या अंदाजात फलंदाजी सुरू केली. ऋषभ पंत केवळ चौकार मारण्याचा प्रयत्न करत नव्हता, तर संधी मिळताच एक धाव घेण्याचाही प्रयत्न करत आहे.

हेही वाचा – Hasan Mahmud: कोण आहे हसन महमूद? रोहित, विराट, शुबमनला बाद करत टीम इंडियाला टाकलं अडचणीत

“बॉल माझ्याकडे कशाला फेकतोस…”, ऋषभ पंतनं बांगलादेशच्या लिटन दासला भरला दम

भारताच्या पहिल्या डावात बांगलादेशचा वेगवान गोलंदाज तस्किन अहमद १६व्या षटकात चेंडू टाकण्यासाठी आला. तस्किन अहमदने या षटकातील तिसरा चेंडू भारतीय फलंदाज यशस्वी जैस्वालला टाकला. यानंतर यशस्वी आणि ऋषभ यांनी मिळून एक धाव घेतली. एक धाव घेतल्यानंतर बांगलादेशी क्षेत्ररक्षकाचा एक थ्रो ऋषभ पंतच्या पॅडला लागला. ऋषभ पंतच्या पॅडला स्पर्श केल्यानंतर चेंडूची दिशा बदलते, ज्यावर तो दुसरी धाव घेण्यासाठी धावतो. बांगलादेशचा यष्टिरक्षक फलंदाज लिट्टन दास यावर नाराज दिसला.

हेही वाचा – IND vs BAN: रोहित शर्मा टी-२० मधून निवृत्तीचा निर्णय मागे घेणार? कर्णधाराने दिले उत्तर

https://twitter.com/Mateenkhan786s/status/1836640729520652712

लिट्टन दास आधी ऋषभ पंतशी यावर बोलताना दिसला कारण असा चेंडू लागल्यावर सहसा धाव घेत नाही. या प्रकरणावरून ऋषभ पंत आणि लिटन दास यांच्यात वाद सुरू झाला. यादरम्यान पंत त्याला म्हणतो, तू त्याच्याकडे चेंडू फेक ना माझ्या दिशेने चेंडू का फेकतोय… ऋषभ पंत आणि लिट्टन दासचा हा व्हीडिओ जोरदार व्हायरल होत आहे.

Rishabh Pant: “मला रोखून चेंडू का मारतो आहेस…”, ऋषभ पंत आणि लिट्टन दास मैदानातच भिडले, पाहा VIDEO

“बॉल माझ्याकडे कशाला फेकतोस…”, ऋषभ पंतनं बांगलादेशच्या लिटन दासला भरला दम