scorecardresearch

Rishabh Pant on IPL: दिल्ली कॅपिटल्सला मोठा धक्का! ऋषभ पंतच्या बाबतीत संचालक सौरव गांगुलीने दिली मोठी अपडेट

कार अपघातात जखमी झालेला ऋषभ पंत आयपीएल २०२३ मधून बाहेर आहे का याबाबत दिल्ली कॅपिटल्सचे क्रिकेट संचालक सौरव गांगुली यांनी माहिती दिली आहे.

Rishabh Pant on IPL: दिल्ली कॅपिटल्सला मोठा धक्का! ऋषभ पंतच्या बाबतीत संचालक सौरव गांगुलीने दिली मोठी अपडेट
संग्रहित छायाचित्र (इंडियन एक्सप्रेस)

Rishabh Pant Ruled Out IPL 2023: भारतीय क्रिकेट संघाचा यष्टीरक्षक फलंदाज आणि आयपीएल फ्रँचायझी दिल्ली कॅपिटल्सचा कर्णधार ऋषभ पंत आयपीएल २०२३ मधून बाहेर पडला आहे. दिल्ली कॅपिटल्सचे क्रिकेट संचालक सौरव गांगुली यांनी या बातमीला दुजोरा दिला आहे. बीसीसीआयच्या अध्यक्षपदावरून पायउतार झाल्यानंतर सौरव गांगुलीने दिल्ली कॅपिटल्सच्या क्रिकेट संचालकपदाची जबाबदारी स्वीकारली आहे.

भारताचा ऋषभ पंत गेल्या महिन्यात रस्ता अपघातात जखमी झाल्यामुळे रोख समृद्ध इंडियन प्रीमियर लीगला मुकणार आहे, अशी पुष्टी राष्ट्रीय क्रिकेट मंडळाचे माजी प्रमुख सौरव गांगुली यांनी केली आहे. दिल्ली कॅपिटल्सचे क्रिकेट संचालक सौरव गांगुली यांनी कोलकाता येथे पत्रकारांशी बोलताना सांगितले की, “ऋषभ पंत आयपीएल २०२३ साठी उपलब्ध होणार नाही. मी दिल्ली कॅपिटल्सच्या संपर्कात आहे. त्याच्या अनुपस्थितीत देखील ही एक उत्तम आयपीएल असेल. आम्ही आमची उत्तम कामगिरी करण्याचा प्रयत्न करू.”

हेही वाचा: IND vs SL 1st ODI: अशी असते खिलाडूवृत्ती! रोहितच्या कृतीवर श्रीलंकन दिग्गजांनी उधळली स्तुतिसुमने, भारतीयांची उंचावली मान

आयपीएल २०२३ मध्ये ऋषभ पंतच्या अनुपस्थितीमुळे दिल्ली कॅपिटल्स नवीन कर्णधाराच्या शोधात आहे. ऋषभ पंतच्या दुखापतीचा परिणाम दिल्ली कॅपिटल्स संघावर होणार आहे. पंत सध्या मुंबईत असून त्यांच्यावर कोकिलाबेन धीरूभाई अंबानी रुग्णालयात उपचार सुरू आहेत. नुकतेच त्याच्या गुडघ्यावर यशस्वी शस्त्रक्रिया करण्यात आली. यष्टिरक्षक फलंदाज ऋषभ पंतला तंदुरुस्त होण्यासाठी किमान ६ महिने लागतील.

हेही वाचा: Prithvi Shaw: पठ्ठ्याचा नाद करायचा नाय! ‘त्रिशतकवीर’ पृथ्वी शॉचा शो सुरूच, बीसीसीआय निवड समितीला दिले सडेतोड उत्तर

एक यष्टिरक्षक आणि धडाकेबाज फलंदाज, पंत हा कसोटी संघाचा मुख्य आधार आहे आणि गेल्या तीन वर्षांत भारताच्या काही संस्मरणीय विजयांमध्ये त्याने महत्त्वाची भूमिका बजावली आहे. पण गेल्या काही महिन्यांत त्याचा कसोटी क्रिकेट मधील फॉर्म फारसा चांगला नव्हता आणि दुखापत होण्याच्या काही दिवस आधी त्याला श्रीलंकेविरुद्ध सुरू असलेल्या वनडे आणि टी२० सामन्यांसाठी संघाबाहेर ठेवण्यात आले होते. पंतला फेब्रुवारी आणि मार्चमध्ये ऑस्ट्रेलियाच्या आगामी भारत दौऱ्याला मुकावे लागणार आहे.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 11-01-2023 at 16:34 IST

संबंधित बातम्या