Rishabh Pant : ऋषभ पंतने अवघ्या ३६ चेंडूत अर्धशतक झळकावत केला खास पराक्रम, महेंद्रसिंग धोनीलाही टाकले मागे

ऋषभ पंतने धोनीला टाकले मागे –

टीम इंडियाचा स्टार यष्टीरक्षक फलंदाज ऋषभ पंतने न्यूझीलंडविरुद्धच्या तिसऱ्या कसोटी सामन्यात ५९ चेंडूत ६० धावांची खेळी केली. त्याने १०१.६९ च्या स्ट्राईक रेटने ८ चौकार आणि २ षटकार मारले. या खेळीच्या जोरावर त्याने खास यादीत एमएस धोनीला मागे टाकले. भारतासाठी कसोटी क्रिकेटमध्ये १०० हून अधिकच्या स्ट्राइक रेटसह सर्वाधिक वेळा ५० हून अधिक धावा करणाऱ्या खेळाडूंच्या यादीत ऋषभ पंत तिसऱ्या क्रमांकावर पोहोचला आहे. त्याने कसोटी क्रिकेटमध्ये पाच १०० हून अधिकच्या स्ट्राइक रेटसह सर्वाधिक वेळा ५० हून अधिक धावा केल्या आहेत. या बाबतीत त्याने एमएस धोनी, मोहम्मद अझरुद्दीन आणि यशस्वी जैस्वाल यांना मागे टाकले आहे. या तीन फलंदाजांनी केवळ चार वेळा अशी कामगिरी केली आहे.

भारतासाठी कसोटीत १०० हून अधिकच्या स्ट्राइक रेटसह सर्वाधिक वेळा ५० हून अधिक धावा करणारे फलंदाज :

• १४ – वीरेंद्र सेहवाग
• १३ – कपिल देव
• ५ – ऋषभ पंत
• ४ – मोहम्मद अझरुद्दीन
• ४ – एमएस धोनी
• ४ – यशस्वी जैस्वाल

हेही वाचा – Sai Sudarshan : साई सुदर्शनने IPL 2025 साठी रिटेन होताच केला मोठा धमाका! ऑस्ट्रेलियाविरुद्ध झळकावले दमदार शतक

कसोटी क्रिकेटमध्ये १०० पेक्षा जास्त स्ट्राइक रेटने सर्वाधिक अर्धशतकं झळकावणारे यष्टीरक्षक :

• ८ – ॲडम गिलख्रिस्ट
• ५ – ऋषभ पंत
• ४ – एमएस धोनी
• ४- जॉनी बेअरस्टो
• ४ – सर्फराज अहमद
• ३ – क्विंटन डी कॉक
• ३ – एन डिकवेला
• ३ – मॅट प्रायर

हेही वाचा – Shreyas Iyer : ‘श्रेयस अय्यर KKR च्या रिटेन्शन लिस्टमध्ये पहिल्या क्रमांकावर होता, पण…’, केकेआरचे सीईओ वेंकी म्हैसूर यांचा मोठा खुलासा

ऋषभ पंतने केवळ ३६ चेंडूत झळकावले अर्धशतक –

मुंबईतील वानखेडे स्टेडियमवर झालेल्या तिसऱ्या कसोटी सामन्यात ऋषभ पंतने अवघ्या ३६ चेंडूत अर्धशतक झळकावले. शुबमन गिलसह ऋषभ पंतने टीम इंडियाचा डाव सांभाळला. पहिल्या दिवशी ८६ धावांवर ४ विकेट्स गमावल्याने टीम इंडिया अडचणीत आली होती, पण पंतने शानदार फलंदाजी करत डाव सांभाळला आणि गिलसोबत ९६ धावांची भागीदारी केली. या सामन्यात गिलने ९० धावा केल्या. तो त्याच्या शतकापासून फक्त १० धावांनी दूर राहिला.