scorecardresearch

Premium

IND vs AUS T20 Series : ऋतुराज गायकवाडने मोडला मार्टिन गप्टिलचा विक्रम, इशान किशनलाही ‘या’ बाबतीत टाकले मागे

Ruturaj Gaikwad Records : ऋतुराज गायकवाडने पाचव्या टी-२० सामन्यात कांगारू संघाविरुद्ध १० धावा करत इतिहास रचला. त्याने मार्टिन गप्टिलचा विक्रम मोडला.

India vs Australia T20 series Updates in marathi
ऋतुराज गायकवाड (Photo Source-@cricbuzz)

Ruturaj Gaikwad broke Martin Guptill’s record : ऑस्ट्रेलियाविरुद्धच्या ५ सामन्यांच्या टी-२० मालिकेतील पाचव्या सामन्यात भारतीय संघाने ६ धावांनी रोमहर्षक विजय मिळवला. त्याचबरोबर ४-१ अशा फरकाने मालिका आपल्या नावावर केली. या सामन्यात सलामीवीर फलंदाज ऋतुराज गायकवाडला मोठी खेळी खेळण्यात यश आले नाही आणि तो केवळ १० धावा करून बाद झाला. या खेळीदरम्यान त्याने २ चौकारही मारले आणि न्यूझीलंडचा फलंदाज मार्टिन गप्टिलचा विक्रम मोडला. ऑस्ट्रेलियाविरुद्धच्या टी-२० आंतरराष्ट्रीय मालिकेत सर्वाधिक धावा करणाऱ्या फलंदाजांच्या यादीत तो पहिल्या क्रमांकावर पोहोचला आहे.

ऋतुराज गायकवाडने मोडला मार्टिन गप्टिलचा विक्रम –

ऋतुराज गायकवाडने या सामन्यात १० धावा केल्या आणि ऑस्ट्रेलियाविरुद्धच्या टी-२० मालिकेत सर्वाधिक धावा करणाऱ्या फलंदाजांच्या यादीत तो पहिला आला. ऋतुराज गायकवाडने या मालिकेत कांगारू संघाविरुद्ध ५ सामन्यात २२३ धावा केल्या आणि मार्टिन गप्टिलला मागे टाकले. याआधी, गुप्टिलने २०२१ मध्ये ऑस्ट्रेलियाविरुद्धच्या टी-२० मालिकेत एकूण २१८ धावा केल्या होत्या, पण आता तो दुसऱ्या क्रमांकावर घसरला आहे. या यादीत विराट कोहली १९९ धावांसह तिसऱ्या स्थानावर आहे.

India Vs England 3rd Test Rohit Sharma Video Viral
IND vs ENG : रोहित शर्माने बूट उचलला, अन् जैस्वाल-सर्फराझसह इंग्लंडचे खेळाडू फिरले माघारी, VIDEO व्हायरल
Rohit Sharma taunts Jadeja Video Viral
IND vs ENG : नो बॉलवरून रोहित शर्माचा जडेजाला टोमणा, लाईव्ह सामन्यात म्हणाला “अरे यार आयपीएलमध्ये तर…”
Rachin Ravindra created history by scoring a double century in Tests
SA vs NZ Test : रचिन रवींद्रने द्विशतक झळकावत रचला इतिहास! यशस्वी जैस्वालला मागे टाकत मोडले अनेक विक्रम
Rohit Sharma has scored the most runs for India in the WTC tournament
IND vs ENG 2nd Test : रोहित शर्माने रचला इतिहास, विराट कोहलीचा मोडला ‘हा’ सर्वात मोठा विक्रम

ऑस्ट्रेलियाविरुद्धच्या एका टी-२० मालिकेत सर्वाधिक धावा करणारे फलंदाज –

२२३ धावा – ऋतुराज गायकवाड (२०२३)
२१८ धावा – मार्टिन गुप्टिल (२०२१)
१९९ धावा – विराट कोहली (२०१६)

हेही वाचा – IND vs AUS 5th T20 Highlights: अर्शदीपची भेदक गोलंदाजी; भारताने शेवटच्या ट्वेन्टी२० सह मालिका ४-१ने जिंकली

ऋतुराज गायकवाडने टी-२० द्विपक्षीय मालिकेत भारतासाठी सर्वाधिक धावा करणाऱ्या यादीत आपले नाव कोरले. इंग्लंडविरुद्ध विराट कोहली २३१ धावांसह अव्वल स्थानावर आहे. न्यूझीलंडविरुद्ध २२४ धावांसह केएल राहुल या यादीत दुसऱ्या स्थानावर आहे. इशान किशन आणि श्रेयस अय्यर यांचाही या यादीत समावेश आहे.

टी-२० द्विपक्षीय मालिकेत भारतासाठी सर्वाधिक धावा करणारे फलंदाज –

२३१ – विराट कोहली विरुद्ध इंग्लंड
२२४ – केएल राहुल विरुद्ध न्यूझीलंड
२२३ – ऋतुराज गायकवाड विरुद्ध ऑस्ट्रेलिया
२०६ – इशान किशन विरुद्ध दक्षिण आफ्रिका
२०४ – श्रेयस अय्यर विरुद्ध श्रीलंका

ऋतुराज गायकवाडने इशान किशनच्या विक्रमाशी केली बरोबरी –

ऋतुराज गायकवाडने या ५ सामन्यांच्या टी-२० मालिकेत ऑस्ट्रेलियन संघाविरुद्ध एकूण २१ चौकार मारले आणि त्याने इशान किशनच्या विक्रमाशी बरोबरी केली. यापूर्वी, भारताकडून कोणत्याही द्विपक्षीय टी-२० मालिकेत सर्वाधिक चौकार मारण्याचा विक्रम इशान किशनच्या नावावर होता, ज्याने २०२२ साली दक्षिण आफ्रिकेविरुद्धच्या मालिकेत २१ चौकार मारले होते.

हेही वाचा – IND vs AUS 5th T20 : भारतीय गोलंदाजांनी ऑस्ट्रेलियाच्या तोंडचा घास हिरावला, रोमहर्षक सामन्यात सहा धावांनी विजयी

टी-२० द्विपक्षीय मालिकेत भारतासाठी सर्वाधिक चौकार मारणारे फलंदाज –

२१ – ऋतुराज गायकवाड विरुद्ध ऑस्ट्रेलिया (२०२३)
२१ – इशान किशन विरुद्ध दक्षिण आफ्रिका (२०२२)
२० – विराट कोहली विरुद्ध इंग्लंड (२०२१)
२० – श्रेयस अय्यर विरुद्ध श्रीलंका (२०२२)
२० – सूर्यकुमार यादव विरुद्ध इंग्लंड (२०२२)

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ruturaj gaikwad broke martin guptills record for most runs in a t20 series vbm

First published on: 04-12-2023 at 10:43 IST

संबंधित बातम्या

तुम्ही या बातम्या वाचल्या आहेत का? ×