Shreyas Iyer On Red Ball Cricket: भारतीय संघातील स्टार फलंदाज श्रेयस अय्यरने आयपीएल आणि देशांतर्गत क्रिकेटमध्ये दमदार कामगिरी केली आहे. मात्र तरीदेखील त्याला इंग्लंडविरुद्ध झालेल्या कसोटी मालिकेत आणि आशिया चषक स्पर्धेत संधी देण्यात आलेली नाही. या निर्णयामुळे सर्वांनाच आश्चर्याचा धक्का बसला होता. आता ऑस्ट्रेलिया ए विरुद्ध होणाऱ्या वनडे मालिकेसाठी भारतीय ए संघाची घोषणा करण्यात आली आहे. अय्यर मर्यादित षटकांच्या क्रिकेटमध्ये खेळताना दिसणार आहे. पण त्याने रेड बॉल क्रिकेटमधून विश्रांती घेण्याचा निर्णय घेतला आहे. बीसीसीआयकडून याबाबत अधिकृत घोषणा करण्यात आली आहे.
श्रेयस अय्यरचा मोठा निर्णय
श्रेयस अय्यरने रेड बॉल क्रिकेटमधून विश्रांती हवी असल्याची विनंती बीसीसीआयकडे केली होती. यावर आता बीसीसीआयने मोठी अपडेट दिली आहे. श्रेयस अय्यर पुढील ६ महिने रेड बॉल क्रिकेटपासून दूर राहणार आहे. त्यामुळे रेस्ट ऑफ इंडिया संघात त्याला स्थान देण्यात आलेलं नाही. श्रेयस अय्यर काही महिन्यांपूर्वी पाठीच्या दुखण्याने त्रस्त होता. त्यामुळे त्याच्यावर शस्त्रक्रिया करण्यात आली होती. त्याला पुन्हा वेदना होत असल्याने त्याने हा निर्णय घेतला आहे.
इराणी कप स्पर्धेत रेस्ट ऑफ इंडिया संघाच्या कर्णधारपदाची जबाबदारी दुलीप ट्रॉफी विजेता कर्णधार रजत पाटीदारकडे सोपवण्यात आली आहे. यासह या संघात ईशान किशन, खलील अहमद, ऋतुराज गायकवाड,आकाशदीप या खेळाडूंना देखील स्थान देण्यात आलं आहे. हा सामना रणजी ट्रॉफी विजेता संघ विदर्भ संघाविरुद्ध नागपूरमध्ये रंगणार आहे.
इराणी कप स्पर्धेसाठी असा आहे रेस्ट ऑफ इंडियाचा संघ:
रजत पाटीदार (कर्णधार), अभिमन्यू ईश्वरन, आर्यन जुयाल (यष्टिरक्षक), ऋतुराज गायकवाड (उपकर्णधार), यश धूल, शेख रशीद, ईशान किशन (यष्टिरक्षक), तनुष कोटीयन, मानव सुथार, गुरनूर बराड, खलील अहमद, आकाशदीप, अंशुल कंबोज, सारांश जैन.
ऑस्ट्रेलियाविरूद्ध होणाऱ्या पहिल्या वनडे सामन्यासाठी भारतीय ए संघ : श्रेयस अय्यर (कर्णधार), प्रभसिमरन सिंग (यष्टिरक्षक), रियान पराग, आयुष बदोनी, सूर्यांश शेडगे, विप्रज निगम, निशांत सिंधू, गुरजापनीत सिंग, युद्धवीर सिंग, रवी बिश्नोई, अभिषेक पोरेल (यष्टिरक्षक), सिमरनजीत सिंग, प्रियांश आर्य.
दुसऱ्या आणि तिसऱ्या वनडे सामन्यासाठी भारतीय ए संघ:
श्रेयस अय्यर (कर्णधार), तिलक वर्मा (उपकर्णधार), प्रभसिमरन सिंग (यष्टिरक्षक), रियान पराग, आयुष बदोनी, सूर्यांश शेडगे, विप्रज निगम, निशांत सिंधू, गुरजापनीत सिंग, युद्धवीर सिंग, रवी बिश्नोई, अभिषेक पोरेल (यष्टिरक्षक), हर्षित राणा आणि अर्शदीप सिंग.
