T20 WC: उपांत्य फेरीत इंग्लंडला मात दिल्यानंतर न्यूझीलंडच्या जिम्मी नीशमचं जुनं ट्वीट व्हायरल; म्हणाला होता…

२०१९ एकदिवसीय वर्ल्डकपच्या अंतिम फेरीत निशम खेळपट्टीवर होता. तेव्हाचं जिम्मी निशमचं जुनं ट्वीट पुन्हा एकदा चर्चेत आलं आहे.

Jimmy_Neesham
T20 WC: उपांत्य फेरीत इंग्लंडला मात दिल्यानंतर न्यूझीलंडच्या जिम्मी नीशमचं जुनं ट्वीट व्हायरल; म्हणाला होता…(Photo- AP)

टी २० वर्ल्डकपच्या उपांत्य फेरीत न्यूझीलंडने इंग्लंडला ५ गडी आणि एक षटक राखून मात दिली. या विजयानंतर न्यूझीलंड टी २० वर्ल्डकपच्या अंतिम फेरीत पहिल्यांदा पोहोचला आहे. यापूर्वी २००७ आणि २०१६ च्या उपांत्य फेरीत पराभवाचं तोंड पाहावं लागलं होतं. त्याचबरोबर २०१९ एकदिवसीय वर्ल्डकपच्या अंतिम फेरीत मिळालेल्या पराभवाचा हिशोबही चुकता करता आला. उपांत्य फेरीत जिमी निशमची बॅट चांगलीच तळपली होती. त्याच्या आक्रमक खेळीमुळे धावा आणि चेंडूमधील अंतर कमी झालं होतं. जिम्मी ११ चेंडूत २७ धावा केल्या. या खेळीत १ चौकार आणि ३ षटकारांचा समावेश आहे.

२०१९ एकदिवसीय वर्ल्डकपच्या अंतिम फेरीत निशम खेळपट्टीवर होता. आता इंग्लंडला पराभूत केल्याने एक वर्तुळ पूर्ण झालं आहे. आता जिम्मी निशमचं जुनं ट्वीट पुन्हा एकदा चर्चेत आलं आहे. “मुलांनो, खेळ करू नका. बेकिंग किंवा काहीतरी घ्या. ६० व्या वर्षी खरोखरच लठ्ठ आणि आनंदी व्हा”, असं ट्वीट निशमने इंग्लंड विरुद्धचा अंतिम सामना गमवल्यानंतर केलं होतं. १५ जुलै २०१९ रोजी सकाळी ५ वाजून ५९ मिनिटांनी त्याने हे ट्वीट केलं होतं.

२०१९ एकदिवसीय वर्ल्डकपचा अंतिम सामना बरोबरीत सुटला होता. त्यामुळे सुपर ओव्हर करण्याचा निर्णय घेण्यात आला होता. पहिल्या सुपर ओव्हरमध्येही सामना बरोबरीत सुटला. त्यामुळे आणखी एक सुपर ओव्हर करण्याच निर्णय झाला. मात्र ही सुपर ओव्हरही बरोबरीत सुटली आणि इंग्लंडला चौकारांच्या मदतीने विजयी घोषित करण्यात आलं. २०१९ एकदिवसीय क्रिकेट वर्ल्डकपच्या अंतिम फेरीत पराभव, २०२१ वर्ल्ड टेस्ट चॅम्पियनशिपमध्ये विजय आणि आता टी २० वर्ल्डकपची अंतिम फेरीत प्रवेश असा प्रवास गेल्या दोन वर्षात न्यूझीलंड संघाने केला आहे. रविवारी टी २० वर्ल्डकपचा अंतिम सामना जिंकल्यास एका वर्षात दोन आयसीसी स्पर्धा जिंकण्याची अनोखी संधी असणार आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: T20 wc nz jimmy neesham old tweet viral again rmt

Next Story
VIDEO: …म्हणून आपण न्यूझीलंडविरुद्ध हरलो
ताज्या बातम्या