Viral Video: शेवटचं षटक, ४ गडी बाद! ऑस्ट्रेलियाच्या तोंडचा घास पळवत मोहम्मद शमी ठरला हिरो; पाहा ‘तो’ क्षण

टीम इंडियाचा कर्णधार रोहित शर्माने मोहम्मद शमीला २० व्या षटकात गोलंदाजीची जबाबदारी दिली. ऑस्ट्रेलियाच्या संघाला चार धावा देऊन शमीने षटकाची सुरुवात केली पण त्यानंतर एका पाठोपाठ एक करत चार खेळाडूंना शमीने तंबूत धाडले. सुरुवातीला शमीच्या चेंडूवर पॅट क्युमिन्सने षटकार लागवण्याचा प्रयत्न केला पण विराट कोहली थक्क करणारी कॅच पकडून शमीला साथ दिली. यानंतर अॅश्टन अॅगरला सुद्धा शमीनेच धावबाद केले. यानंतर जॉश इंग्लिस, केन रिचर्डसन यांना शमीने क्लीन बोल्ड करून आपली हॅट्रिक पूर्ण केली.

मोहम्मद शमीची जादू पाहून ऑस्ट्रेलिया थक्क

टी २० विश्वचषकाच्या काहीच दिवस आधी जसप्रीत बुमराह दुखापतीमुळे भारतीय संघातून बाहेर पडला. अशावेळी भारताची गोलंदाजांची फळी दुबळी पडणार असे वाटत होते. मात्र करोनावर मात करून अवघे दोन दिवस शिल्लक असताना शमी संघात परतला आणि आज सराव सत्रात त्याने आपली जादू दाखवून दिली. विश्वचषक सामन्यात शमीच्या पुनरागमनाचा भारतीय संघाला कितपत फायदा होतो हे पाहणे आता महत्त्वाचे ठरणार आहे.