७०० रुपये लिटर पाणी पिणाऱ्या विराट कोहलीने शिळ्या जेवणाचा धरला हट्ट; 5 स्टारचा शेफ म्हणाला, “BCCI ने कठोर..”

तिरुवनंतपूरमच्या फाईव्ह स्टार हॉटेलमधील शेफ पिल्ले यांनी सांगितल्यानुसार, २०१८ मध्ये भारत विरुद्ध वेस्ट इंडिज एक दिवसीय सामने खेळवले जाणार होते. या सामन्यासाठी तिरुवनंतपूरमला पोहोचलेली टीम इंडिया ही रावीज कोवलम या हॉटेलमध्ये थांबली होती. यावेळी टीमसाठी हॉटेलने छान सीफूड ची मेजवानी आयोजित केली होती. मात्र तेव्हा विराट कोहली शाकाहारी असल्याने त्याने या मेजवानीचा भाग होण्यास नकार दिला. तेव्हा विराटसाठी हॉटेलच्या शेफने खास ‘साद्या’ (ज्यामध्ये केरळच्या पारंपरिक शाकाहारी पदार्थांचा समावेश असतो) तयार केला होता. तब्बल २४ पदार्थांचा साद्या कोहलीसाठी तयार केला होता.

अर्थात केवळ एका व्यक्तीच्या प्रमाणात एवढे पदार्थ बनवणे कठीण असल्याने काही पदार्थ अधिक बनले गेले. जेव्हा हॉटेलच्या शेफने हे पदार्थ कोहलीला वाढले तेव्हाच त्याने बाकीच्या उरलेल्या जेवणाचं काय होणार असा प्रश्न केला, तेव्हा शेफने हे जेवण फेकून दिले जाईल कारण हॉटेलमधील पाहुण्यांना किंवा कर्मचाऱ्यांना शिळे जेवण दिले जात नाही असे सांगितले. यावर कोहलीने उत्तर दिले की मी हेच जेवण रात्री सुद्धा खाईन. BCCI च्या कठोर नियमानुसार कुठल्याच खेळाडूला शिळे अन्न देण्याची परवानगी नव्हती पण कोहलीने खूपच हट्ट केल्यावर शेवटी त्याची इच्छा पूर्ण करावी लागली.

हे ही वाचा<< अर्जुन तेंडुलकरचा मैदानातील किळसवाणा Video व्हायरल; फॅनने ‘ही’ नवी क्लिप दाखवत दिलं सडेतोड उत्तर

दरम्यान, हा किस्सा ऐकल्यावर विराटच्या या हट्टाचे कारण ऐकून त्याचे चाहते सुद्धा खूप कौतुक करत आहेत. ७०० रुपये लिटरचे पाणी पिणे हा त्याचा निर्णय आहे पण म्हणून तो अन्नाचा किंवा पैशाचा अपमान करत नाही हे ही खरंय अशा प्रतिक्रिया विराटाचे चाहते देत आहेत. तुम्हाला किंग कोहलीचा हा स्वभाव कसा वाटला? कमेंट करून कळवा.