कोणावर सर्वाधिक बोली? ‘डब्ल्यूपीएल’साठी आज १६५ क्रिकेटपटूंचा लिलाव

क्रिकेटपटूंच्या लिलावाबरोबरच या वेळी लीग विविध शहरांत खेळवली जाणार की पुन्हा एकदा एकाच केंद्रावर पार पडणार या विषयीचा निर्णयदेखील घेतला जाणार आहे. पहिल्या हंगामात गेल्या वर्षी केवळ मुंबईत ब्रेबॉर्न आणि डी. वाय. पाटील स्टेडियमवर सामने पार पडले होते. या वेळी विविध शहरांत सामने खेळविण्याचा विचार असून, यासाठी प्रामुख्याने मुंबई आणि बंगळूरु या शहरांची नावे चर्चेत आहेत. मुंबई इंडियन्स, रॉयल चॅलेंजर्स बंगळूरु, गुजरात जायंट्स, यूपी वॉरियर्स आणि दिल्ली कॅपिटल्स या पाच संघांमध्ये क्रिकेटपटूंसाठी रस्सीखेच चालेल.   या रकमेतून संघांना १८ खेळाडूंची निवड करायची असून, संघात ६ परदेशी खेळाडू अनिवार्य असतील.

आणखी वाचा

IND vs BAN : बांगलादेशविरुद्धच्या T20I मालिकेपूर्वी गोलंदाजी प्रशिक्षक मॉर्केल हार्दिकवर नाराज? जाणून घ्या कारण

Bigg Boss Marathi 5: सर्व एलिमिनेटेड सदस्यांची घरात…

Sarfaraz Khan Double Century: सर्फराझ खानने इराणी कपमध्ये झळकावले द्विशतक, ‘ही’ कामगिरी करणारा ठरला पहिला मुंबईचा क्रिकेटपटू

नव्या सिंग ठरली मिस युनिव्हर्स इंडिया स्पर्धेत सहभागी होणारी पहिली ट्रान्स वुमन!

बार्सिलोनाची घोडदौड,व्हिलारेयालवर मात; गोलरक्षक जायबंदी

Chess Olympiad 2024: गुकेश-तानियाने चेस ऑलिम्पियाड ट्रॉफीसह रोहित शर्मा स्टाईलमध्ये केलं सेलिब्रेशन, भारतीय बुद्धिबळ संघाचा VIDEO होतोय व्हायरल

VIDEO: विराट कोहलीचा फिल्डिंग करतानाचा नागिन डान्स व्हायरल, बांगलादेशला त्यांच्याच स्टाईलमध्ये चिडवलं?

India vs China Hockey: चेहऱ्यावर मास्क अन् हातात चीनचा झेंडा, हॉकी फायनलमध्ये पाकिस्तानच्या खेळाडूंचा चीनला पाठिंबा

हेही वाचा >>> अहमदाबादच्या खेळपट्टीला ‘साधारण’ दर्जा; आंतरराष्ट्रीय क्रिकेट परिषदेचा अहवाल जाहीर

पहिल्या पर्वात भारताची स्मृती मनधाना सर्वाधिक महागडी खेळाडू ठरली होती. बंगळूरुने तेव्हा मुंबई इंडियन्सला टक्कर देत ३.४ कोटी रुपयांची बोली मनधानावर लावली होती. या वेळी नव्या लिलावासाठी वेस्ट इंडिजची डिआंड्रा डॉटिन आणि ऑस्ट्रेलियाची किम गार्थ या खेळाडूंसाठी सर्वाधिक ५० लाख रुपये मूळ  किंमत निश्चित करण्यात आली आहे. ऑस्ट्रेलियाच्या अ‍ॅनाबेल सदरलँड, जॉर्जिया वेअरहॅम, दक्षिण आफ्रिकेची शबनीम इस्माईल, इंग्लंडची एमी जोन्स यांच्यासाठी ४० लाख रुपये निश्चित करण्यात आले आहेत. भारताकडून वेदा कृष्णमूर्ती, पूनम राऊत, सुषमा वर्मा, एकता बिश्त, गौहर सुलताना, मोना मेश्राम यांच्यासाठी ३० लाख आधारभूत किंमत निश्चित करण्यात आली आहे.

गुजरात जायंट्स करू शकणार सर्वाधिक खर्च

पूर्वीच्या संघातील काही खेळाडूंना मुक्त केल्यानंतर आता विविध संघांकडे नव्या खेळाडूंच्या खरेदीसाठी चांगली रक्कम शिल्लक राहिली आहे. यामध्ये दिल्लीकडे २.२५ कोटी रुपये शिल्लक असून, त्यांना एका परदेशी खेळाडूसह ३ खेळाडूंची जागा भरून काढायची आहे. गुजरातकडे सर्वाधिक ५.९५ कोटी रुपये शिल्लक असून, त्यांना सर्वाधिक १० खेळाडू निश्चित करायचे आहेत. यात तीन परदेशी खेळाडू आहेत. ४ कोटी रुपये यूपी वॉरियर्सकडे शिल्लक असून, त्यांना एका परदेशी खेळाडूसह फक्त पाचच खेळाडू घ्यायचे आहेत. मुंबईकडे २.१० कोटी सर्वात कमी रक्कम शिल्लक असून, त्यांना एका परदेशी खेळाडूसह पाच खेळाडू घ्यायचे आहेत. बंगळूरु संघ ३.३५ कोटी रुपये राखून असून, त्यांना ३ परदेशी खेळाडूंसह सात खेळाडू घ्यायचे आहेत.

लिलावात किती खेळाडू

लिलाव होणाऱ्या १६५ क्रिकेटपटूंमध्ये १०४ भारतीय, तर ६१ परदेशातील महिला क्रिकेटपटू आहेत. यातील १५ क्रिकेटपटू या सहयोगी सदस्य देशांमधील आहेत. या सर्वांमध्ये एकूण ५६ आंतरराष्ट्रीय क्रिकेट खेळलेल्या, तर १०९ न खेळलेल्या खेळाडू आहेत.