Uric Acid च्या रुग्णांनी ‘या’ गोष्टींचा आहारात समावेश करा, यूरिक अॅसिडची पातळी झपाटयाने होईल कमी

यूरिक ऍसिड कमी करण्यासाठी अन्न (Foods For High Uric Acid)

ब्राऊन राईस

युरिक अॅसिड कमी करणाऱ्या पदार्थांमध्ये ब्राऊन राइस खाऊ शकतो. तपकिरी तांदूळ हा फायबरचा चांगला स्रोत आहे आणि त्यात प्युरिनचे प्रमाण खूप कमी आहे. ते खाल्ल्याने पचनक्रियाही व्यवस्थित राहते आणि युरिक अॅसिडमुळे होणाऱ्या लघवीच्या समस्यांपासून सुटका मिळण्यासही मदत होते.

( हे ही वाचा: शरीराच्या ‘या’ भागांमध्ये होऊ लागल्या वेदना, तर समजून जा कोलेस्ट्रॉल वाढत आहे, जाणून घ्या High Cholesterol ची लक्षणे)

ज्वारी

युरिक अॅसिडचे रुग्ण त्यांच्या आहारात ज्वारीच्या पिठाचा समावेश करू शकतात. ज्वारीच्या पिठात प्रथिने, फॅटी ऍसिडस्, खनिज क्षार तसेच जीवनसत्त्वे आणि फायबर भरपूर प्रमाणात असतात. या पिठाच्या पोळ्या सहज बनवता येतात आणि खाता येतात.

ओट्स

जर ओट्सचे सेवन मर्यादित प्रमाणात केले तर ते युरिक ऍसिड कमी करण्यास उपयुक्त ठरू शकते. तुम्ही ते नाश्त्यात खाऊ शकता किंवा ओट्स बारीक करून त्यापासून पोळी बनवू शकता. ओट्समध्ये भरपूर फायबर असते जे पचनासाठी देखील चांगले असते.

( हे ही वाचा: Uric Acid: यूरिक अॅसिडच्या रुग्णांसाठी चहाचे सेवन चांगले की कॉफीचे? जाणून घ्या तज्ज्ञ काय सांगतात)

सफरचंद

युरिक अॅसिड कमी करण्यासाठी तुम्ही सफरचंद खाऊ शकता. सफरचंदमध्ये मॅलिक अॅसिड असते, जे रक्तातील यूरिक अॅसिड कमी करण्याचे काम करते. जास्त यूरिक ऍसिड असलेले रुग्ण दररोज सफरचंद खाऊ शकतात.

चेरी

एंटी-इंफ्लेमेटरी गुणधर्म असलेल्या चेरी उच्च यूरिक ऍसिडच्या आहारात समाविष्ट केल्या जाऊ शकतात. सांध्यांमध्ये जमा होणारे यूरिक अॅसिडचे क्रिस्टल कमी करण्यातही हे फायदेशीर आहे. वेदना आणि सूज कमी करण्यासाठी त्यांचा चांगला परिणाम होतो.