हिवाळ्यात दररोज प्या डाळिंबाचा ज्यूस, जाणून घ्या याचा आरोग्यावर कसा होतो परिणाम…

डाळिंबामध्ये व्हिटॅमिन सी चे प्रमाण जास्त असते. ते आजारांपासून बचाव करण्यास मदत करते. अँटी-ऑक्सिडंट गुणांनी भरपूर अशा डाळिंबात पोटॅशियम असतं, जे सर्दी होऊन नाक वाहण्यावर गुणकारी ठरतं. सर्दी, खोकल्यावर उपचार करण्यासाठी तुम्ही डाळिंब असंच खाऊ शकता किंवा त्याचा ज्यूसही करू शकता. तर रोज डाळिंबाचा ज्यूस प्यायल्याने आरोग्यावर नेमका काय फरक पडतो हे जाणून घेऊ…

निरोगी त्वचा

डाळिंबात असणारे पॉलिफेनॉल्स, ज्यांना एलाजिटैनिन्स म्हटलं जातं. यामध्ये सूज कमी करणारे गुणधर्म असतात. हे जखम भरण्याच्या प्रक्रियेला वेगवान करतात आणि त्वचेचं वय वाढण्याच्या प्रक्रियेला संथ करते. रोज डाळिंबाचा ज्यूस प्यायल्याने एजिंगची लक्षणं कंट्रोलमध्ये येतात आणि त्वचा निरोगी राहते.

दातांची मजबुती

डाळइंबातील पॉलिफेनॉल्समध्ये अँटी-बॅक्टेरियल गुण असतात, ते दातांवर तयार होणाऱ्या प्लाकला कारणीभूत ठरणाऱ्या बॅक्टेरियांची संख्या कमी करू शकतात. दातांवर ते बॅक्टेरिया चिकटण्याच्या क्षमतेला कमी करू शकतात. रोज डाळिंबाचा ज्यूस प्यायल्याने दात मजबूत होतात आणि बॅक्टेरिया साफ होऊन जातात.

ह्रदय निरोगी राहते

डाळिंबातील एक पॉलिफेनॉल, प्यूनिकलागिन धमन्यांमध्ये चरबी जमा होण्यापासून रोखण्यास मदत करू शकते. ते धमन्यांमध्ये तयार होणारे प्लाक स्थिर करण्यासही मदत करू शकते. त्यामुळे ते तुटण्यापासून आणि ह्रदयविकाराचा झटका किंवा स्ट्रोक होण्यापासून रोखू शकते.

डाळिंबाचा रस

डाळिंबामध्ये भरपूर प्रमाणाच अँटी-ऑक्सिडंट्स असतात. ते शरीराचे मुक्त रॅडिकल्सपासून संरक्षण करतात आणि रोगप्रतिकारक शक्ती मजबूत करतात.

शरीरावरील सूज नियंत्रित करते

डाळिंबामध्ये आढळणारे पॉलिफेनॉल आणि इतर अँटी-ऑक्सिडंट्स शरीरातील जळजळ आणि ऑक्सिडेटिव्ह ताण कमी करण्यास मदत करतात. दररोज हा ज्यूस प्यायल्याने शरीराच्या विविध भागांमध्ये होणारी जळजळ नियंत्रित होण्यास मदत होते.