झोपेत असताना तुमच्या घशातून वारंवार आवाज येतो का? ही लक्षणे दिसताच घ्या डॉक्टरांचा सल्ला

लक्षणे

झोपेत असताना तुम्हाला खालीलपैकी कोणतीही लक्षणे दिसल्यास लगेच डॉक्टरांचा सल्ला घेणे गरजेचे आहे.

• श्वास न घेता येणे किंवा श्वास घेण्यास त्रास होणे.
• सतत खोकला येणे. विशेषतः रात्री किंवा पहाटे पहाटे खोकला येणे.
• छातीत घट्टपणा किंवा जडपणा येणे किंवा अस्वस्थता जाणवणे.
• दिवसभर थकवा जाणवणे.
• झोपताना खूप जोरजोराने घोरणे (स्लीप ॲप्नियाचे प्रमुख लक्षण).

हेही वाचा : हळद, काळी मिरी, दालचिनी अन् धणे; कोणते मसाले आरोग्यासाठी चांगले?

झोपेदरम्यान श्वास घेताना तुमच्या घशातून का आवाज येतो?

दम्याचा त्रास : जेव्हा वायुमार्गाच्या जवळपासच्या स्नायूंना सूज येते आणि वायुमार्ग लहान होतो तेव्हा व्यक्तीला खोकला येणे, श्वास घेण्यास त्रास होणे आणि घशातून आवाज येणे, अशी लक्षणे दिसतात.

सीओपीडी (Chronic Obstructive Pulmonary Disease) : सीओपीडी म्हणजे दीर्घ कालावधीसाठी श्वास घेण्यास अडचण निर्माण करणारा फुप्फुसांचा आजार होय. तंबाखूचा धूर किंवा इतर धोकादायक रसायनांचा फुप्फुसांवर परिणाम होतो; ज्यामुळे फुप्फुसांचा वायुमार्ग खराब होतो आणि श्वास घेताना अडचण येते.

हायपरव्होलेमिया : हायपरव्होलेमिया म्हणजे जेव्हा रक्तामध्ये जास्त प्रमाणात पाणी किंवा द्रव निर्माण होतो आणि रक्ताची पातळी कमी होते. जेव्हा हृदय शरीराच्या कार्यासाठी जास्त प्रमाणात रक्त तयार करू शकत नाही तेव्हा फुप्फुसांमध्ये द्रव पदार्थ वाढू शकतात; ज्यामुळे खोकला, श्वास घेण्यास त्रास व घशातून आवाज, असे त्रास जाणवतात. जर तुम्ही अशा स्थितीत झोपत असाल, तर परिस्थिती आणखी बिघडू शकते. अशा वेळी डॉक्टरांच्या सल्ल्याने औषध घेणे गरजेचे आहे.

स्लीप ॲप्निया : झोपताना श्वास घेण्यास त्रास होण्यामुळे स्लीप ॲप्निया होऊ शकतो. झोपताना घोरणे हे स्लीप ॲप्नियाचे प्रमुख लक्षण आहे.

अ‍ॅलर्जी : धूळ किंवा अ‍ॅलर्जीक घटकांच्या संपर्कात आल्याने वायुमार्ग लहान होऊ शकतो; ज्यामुळे श्वास घेताना अडचण निर्माण होऊ शकते.

लठ्ठपणा : लठ्ठपणामुळे झोपेदरम्यान शरीरातील अतिरिक्त फॅट्समुळे अडचण निर्माण होते. हे फॅट्स फुफ्फुसाभोवती जमा होतात; ज्यामुळे श्वास घेण्यास त्रास होऊ शकतो आणि घशातून आवाज येऊ शकतो. स्लीप ॲप्निया असलेल्या लोकांसाठी लठ्ठपणा आणखी घातक आहे. अशा वेळी श्वासाशी संबंधित आजारांसाठी CPAP म्हणजेच कंटिन्युअस पॉझिटिव्ह एअर वे प्रेशर ही उपचार पद्धत वापरावी.

तुम्ही डॉक्टरांचा सल्ला कधी घेणे गरजेचे आहे?

जर तुम्हाला झोपेदरम्यान वारंवार घशातून आवाज येत असेल आणि श्वास घेण्यास त्रास होणे, सतत खोकला येणे इत्यादी लक्षणे दिसत असतील, तर डॉक्टरांचा सल्ला घेणे गरजेचे आहे. या लक्षणांकडे दुर्लक्ष करू नका.
डॉक्टर तुमची शारीरिक तपासणी करू शकतात; ज्यामुळे नेमकी समस्या कोणती आणि त्यावरील उपचार कोणते, हे तुम्हाला समजून घेता येईल.