Things You Need to Know About Birth Control: आजकाल बहुतेक स्त्रिया गर्भधारणा टाळण्यासाठी गर्भनिरोधक गोळ्यांचा वापर करतात. मात्र तुम्हाला माहीत आहे का की या गर्भनिरोधक गोळ्या गर्भाशयासह संपूर्ण शरीरासाठी हानिकारक असतात. गर्भधारणा टाळण्यासाठी सर्वाधिक जास्त वापर गर्भनिरोधक गोळ्यांचा केला जातो. परंतु या गोळ्या कोणत्याही आजाराने ग्रस्त असलेल्या महिलांसाठी अत्यंत हानिकारक आहेत.
या गोळ्यांमध्ये इस्ट्रोजेन आणि प्रोजेस्टेरॉन असतात जे शरीरातील नैसर्गिक हार्मोन्सप्रमाणे काम करतात. हे अंडाशयांना अंडी बनवण्यापासून थांबवतात. मात्र या गोळ्या घेताना योग्य वैद्यकीय सल्ल्याने घ्याव्यात. पण त्यामुळे इतर अनेक समस्या देखील निर्माण होतात. आम्ही तुम्हाला अशाच काही समस्यांबद्दल सांगणार आहोत जे तुम्हाला या गोळ्या वापरायच्या की नाही हे ठरवण्यात मदत करतील.
( हे ही वाचा: हिवाळ्यात डायबिटीज रुग्णांनी आहारात ‘या’ ५ गोष्टींचा समावेश नक्की करा; रक्तातील साखर नियंत्रणात राहील)
सल्ला आवश्यक
हे एक प्रकारचे औषध आहे आणि कोणतेही औषध घेण्यापूर्वी डॉक्टरांचा सल्ला घेणे आवश्यक आहे. तुमचे वय ३५ वर्षांपेक्षा जास्त असल्यास आणि मधुमेह किंवा लठ्ठपणाचा त्रास होत असल्यास, हे औषध घेण्यापूर्वी डॉक्टरांचा सल्ला घ्या. स्त्रियांना हे माहित असणे आवश्यक आहे की गर्भनिरोधक गोळ्या लैंगिक संक्रमित रोगांपासून आपले संरक्षण करत नाहीत. हे टाळण्याचा एकमेव उपाय म्हणजे कंडोम वापरणे. गर्भधारणा टाळण्यासाठी तुम्ही कंडोम वापरू शकता. जर तुम्ही एका रात्रीत गोळी घ्यायला विसरलात पण कंडोम वापरत असाल तर तुम्ही गर्भधारणेची काळजी करू नये.
मायग्रेन आणि जास्त रक्तस्त्राव
ज्या महिलांना मायग्रेन किंवा वारंवार डोकेदुखी असते त्यांनी गर्भनिरोधक गोळ्या घेऊ नयेत. आवश्यक असल्यास, एखाद्याने पहिल्यांदा एखाद्या चांगल्या स्त्रीरोगतज्ञाचा सल्ला घ्यावा. विशेषत: ज्या स्त्रिया या गोळ्या पहिल्यांदा वापरतात त्यांना मासिक पाळीच्या दरम्यान जास्त रक्तस्त्राव होतो. मात्र यामध्ये घाबरण्याची गरज नाही, हे सामान्य आहे.
( हे ही वाचा: Blood Sugar: ब्लड शुगर वाढल्यास पायात दिसतात ही ३ गंभीर लक्षणे; जाणून घ्या पायाच्या कोणत्या भागात होतो त्रास)
नुकत्याच आई झालेल्या महिलांसाठी हानिकारक
जर तुम्ही ६ महिन्यांच्या आत बाळाला जन्म दिला असेल आणि स्तनपान करत असाल तर तुम्ही या गोळ्यांचे सेवन करणे टाळावे. कारण ते मुलांच्या आरोग्यासाठीही हानिकारक आहे. गर्भनिरोधक गोळ्यांच्या सर्वात सामान्य दुष्परिणामांमध्ये स्पॉटिंग, स्तनामध्ये कोमलता, मळमळ आणि सूज यांचा समावेश होतो, परंतु काही महिन्यांनंतर ते स्वतःच निघून जातात. जर त्याची लक्षणे दोन किंवा अधिक महिने टिकली तर ताबडतोब स्त्रीरोगतज्ञाशी संपर्क साधावा. या व्यतिरिक्त जर तुम्हाला तुमच्या शरीरात काही मोठे बदल जसे की स्तनातील गाठी, डोकेदुखी दिसत असेल तर तुम्ही तुमच्या डॉक्टरांशी संपर्क साधावा.
साइड इफेक्ट्स
सर्वात महत्त्वाचे म्हणजे, गोळ्या तुमचे वजन वाढवत नाहीत. या गोळ्यांचे साइड इफेक्ट्स असले तरी ते मोठे दुष्परिणाम नाहीत. या गोळ्यांमुळे बाळामध्ये दोष निर्माण होतात, असा अनेकांचा समज आहे. पण तसे होत नाही. या गोळ्यांचा मुलांच्या आरोग्यावर कोणताही विपरीत परिणाम होत नाही.
( हे ही वाचा: Uric Acid: युरिक ऍसिड फक्त एका महिन्यात कमी होईल; ‘या’ ३ प्रकारच्या पानांचे सेवन करा, मिळेल आश्चर्यकारक फायदा)
स्तनाचा कर्करोग
या गोळ्यांमुळे स्तनाचा कर्करोग होतो असे अनेक महिलांचे मत आहे. पण या गोळ्यांचा कर्करोगाशी काहीही संबंध नाही.
