Fruits For Strong Liver: यकृत डिटॉक्स करण्यासाठी ‘ही’ ४ फळे ठरतील वरदान! जाणून घ्या कशाप्रकारे ठेवतात यकृताला निरोगी

जंक फूड आणि अल्कोहोलचे सेवन यकृताचे आरोग्य बिघडू शकते. यकृताचे आरोग्य बिघडले की त्याची लक्षणे शरीरात दिसू लागतात. भूक न लागणे, मळमळ होणे, वजन कमी होणे आणि शरीरात अशक्तपणा येणे ही यकृताच्या समस्यांची लक्षणे आहेत. तुम्हालाही तुमचे यकृत निरोगी ठेवायचे असेल तर काही फळांचे सेवन करा. काही फळांचे सेवन केल्याने यकृत डिटॉक्स राहते आणि यकृताचे आरोग्य चांगले राहते. तुम्हालाही यकृत निरोगी बनवायचे असेल तर या फळांचा आहारात समावेश करा.

( हे ही वाचा: रिफाइंड तेलाचा अतिवापर शरीरासाठी ठरू शकतो हानिकारक! जाणून घ्या वापरण्याचे योग्य प्रमाण)

रोज सफरचंद खा, लिव्हर डिटॉक्स होईल

रोज सफरचंद खाल्ल्याने लिव्हर डिटॉक्स तर होतेच, त्याचबरोबर आरोग्यही चांगले राहते. काही लोक सफरचंदाचे व्हिनेगर बनवून सेवन करतात. तुम्हाला माहित आहे की ताजे सफरचंद खाणे यकृताच्या आरोग्यासाठी पुरेसे आहे. सफरचंदात असणारे अँटी-इंफ्लेमेटरी गुणधर्म यकृत निरोगी ठेवतात. सफरचंदांमध्ये पॉलिफेनॉल असतात जे कोलेस्ट्रॉल नियंत्रित करतात आणि हृदयाचे आरोग्य सुधारतात. सफरचंदात असलेले पेक्टिन आणि मॅलिक अॅसिड शरीरातील विषारी पदार्थ काढून टाकण्यासाठी प्रभावी आहेत.

एवोकॅडोचे सेवन करा

अमेरिकन केमिकल सोसायटीच्या संशोधनानुसार, एवोकॅडो हे एक फळ आहे जे यकृताला नुकसान होण्यापासून वाचवते. त्यात ग्लूटाथिओन नावाचे घटक असते जे यकृत डिटॉक्सिफाय करते आणि यकृताचे कार्य सुधारते. एवोकॅडोचे सेवन यकृत निरोगी ठेवण्यासाठी खूप उपयुक्त आहे.

( हे ही वाचा: Viral Infection: बदलत्या ऋतूत वाढतोय व्हायरल इन्फेक्शनचा धोका; ‘ही’ लक्षणे दिसताच वेळीच व्हा सावधान)

द्राक्षेसह करा यकृतवर उपचार

द्राक्षे हे एक असे फळ आहे जे सर्वांनाच खायला आवडते. याचे सेवन केल्याने यकृताचे आरोग्य चांगले राहते. व्हिटॅमिन सी आणि अँटीऑक्सिडंट गुणधर्मांनी समृद्ध द्राक्षे यकृताच्या पेशी निरोगी ठेवतात. यात दाहक-विरोधी गुणधर्म देखील आहेत. दररोज द्राक्षे खाल्ल्याने यकृत निरोगी राहते.

केळी यकृत देखील निरोगी ठेवते

यकृत निरोगी ठेवण्यासाठी केळीचे सेवन खूप प्रभावी ठरते. ज्यांचे यकृत फॅटी आहे, त्यांनी केळी खावी, यकृत निरोगी राहील. केळ्यामध्ये अनसॅच्युरेटेड फॅट्स, मोनोअनसॅच्युरेटेड फॅट्स आणि ओमेगा-३ फॅट्स असतात, हे हेल्दी फॅट्स यकृत निरोगी बनवतात. रोज सकाळी रिकाम्या पोटी एक ते दोन केळी खाणे आरोग्यासाठी खूप फायदेशीर आहे.