High BP Symptoms: उच्च रक्तदाबाच्या ‘या’ लक्षणांकडे करू नका दुर्लक्ष

उच्च रक्तदाब हा इतका धोकादायक आजार आहे की या आजाराने ग्रस्त असलेल्या एक तृतीयांश लोकांना त्याची जाणीव नसते. उच्च रक्तदाबाची लक्षणे गंभीर होईपर्यंत ओळखली जात नाहीत. रक्तदाब तपासूनच उच्च रक्तदाब ओळखता येतो.

उच्च रक्तदाबामुळे ब्रेन स्ट्रोक, तसेच अनेक जीवघेणे आजार होऊ शकतात. तुम्हालाही या आजारापासून वाचायचे असेल, तर तुमचा रक्तदाब वेळोवेळी तपासा आणि त्यात काही धोक्याचे संकेत सांगितले असतील तर त्याकडे दुर्लक्ष करू नका. रक्तदाब वाढला की शरीरात काही लक्षणे दिसतात, ज्याची काळजी घेणे आवश्यक आहे.

तीव्र डोकेदुखी

अनेकदा थकवा आणि तणावामुळे आपल्याला डोकेदुखी होऊ लागते, ज्यावर आपण वेदनाशामक औषधांनी उपचार करतो. पण तुम्हाला माहित आहे की उच्च रक्तदाब हे देखील डोकेदुखीचे कारण असू शकते. जेव्हा मेंदूला पुरेसे रक्त मिळत नाही, तेव्हा मेंदूवर अतिरिक्त दबाव पडतो, त्यामुळे तीव्र डोकेदुखीची तक्रार असते. त्यामुळे जर तुम्हाला डोकेदुखीचा त्रास होत असेल तर तुमचा रक्तदाब जरूर तपासा.

रक्तस्राव

उच्च रक्तदाबामुळे नाकातून रक्तस्राव होऊ शकतो. या लक्षणांकडे दुर्लक्ष करू नका.

थकवा जाणवणे

बराच वेळ काम केल्यानंतर थकवा जाणवणे हे सामान्य आहे, परंतु जेव्हा हा थकवा तुम्हाला त्रास देतो तेव्हा लगेच रक्तदाब लक्षात घ्या. हे उच्च रक्तदाबाचे लक्षण असू शकते.

अंधुक दिसणे

तुम्हाला जर अचानकपणे अंधुक दिसायला लागले असेल तर या लक्षणाकडे तुम्ही दुर्लक्ष करू नका कारण ते उच्च रक्तदाबाचे लक्षण असू शकतात.

छातीत दुखणे

जेव्हा फुफ्फुसात रक्त वाहून नेणाऱ्या धमन्यांवर दबाव येतो तेव्हा छातीत दुखते. त्यात ही लक्षणे उच्च रक्तदाबाची असू शकतात त्यामुळे वेळीच डॉक्टरांकडे जाऊन उच्च रक्तदाब तपासा.

सतत धाप लागणे

रक्तदाब वाढला की श्वास घेण्यासही त्रास होतो. जेव्हा हृदयाला फुफ्फुसातून रक्त वाहून नेण्यात त्रास होतो, तेव्हा हृदयाच्या उजव्या बाजूला दाब येतो, त्यानंतर छातीत दुखण्याची समस्या निर्माण होते.

हृदयाचा ठोका अनियमित होणे

उच्च रक्तदाबामुळे छातीत दुखणे, हृदयाचे ठोके अनियमित होणे किंवा हृदयविकाराचा झटका येऊ शकतो. जेव्हा उच्च रक्तदाब असतो तेव्हा हृदयाला जास्त काम करावे लागते. हृदयावर अतिरिक्त दबाव देखील हृदयविकाराचे कारण असू शकते.