लोकसभा निवडणुकीतील बहुजन समाज पक्षाच्या उमेदवारांच्या प्रचारासाठी पक्षाच्या सर्वेसर्वा मायावती रविवारी १३ एप्रिलला महाराष्ट्राच्या दौऱ्यावर येत आहेत. औरंगाबाद व मुंबईत त्यांच्या सभा होणार आहेत. मायावती यांची रविवारी सकाळी पहिली सभा औरंगाबादला होणार आहे. त्यानंतर दुपारी दोन वाजता मुंबईत चुनाभट्टी येथील सोमय्या मैदानावर त्यांची सभा होणार आहे. एक लाखाची ही सभा होईल, अशी माहिती बसपचे प्रदेशाध्यक्ष विलास गरुड यांनी दिली.